ديحانشىنىڭ كوكتەمدەگى ەڭ قاجەتتى نارسەسى تۇقىم بولسا, ەكىنشىسى گەربيتسيد دەپ ايتۋعا بولادى. ويتكەنى, تۇقىمدى جەرگە ءسىڭىرىپ تاستاعاننان كەيىن ءارامشوپ وسكىننەن باسىپ وزىپ, بيدايعا باس كوتەرتپەيدى. سوندىقتان ءارامشوپتى الدىمەن قۇرتىپ جىبەرەتىن گەربيتسيدتىڭ پايداسى شاش-ەتەكتەن.
جۋىردا سولتۇستىك قازاقستان وبلىسىنداعى جشس-لاردىڭ ءبىرىنىڭ باسشىسى ەگىسكە دايىنداپ قويعان قۇنى 900 مىڭ تەڭگە تۇراتىن گەربيتسيدىنىڭ قولدى بولعانىن ايتىپ, پوليتسياعا شاعىم تۇسىرگەن.
ۇرىلار قويمادا تۇرعان 225 ليتر (ەرىتە كەلە ول بىرنەشە مىڭ گەكتارعا جەتەدى) گەربيتسيدتى قولدى قىلعان. قىلمىستى اشۋعا اۋداندىق قانا ەمەس, وبلىستىق پد ماماندارى دا تارتىلادى. كۇدىك وسى جشس-دا بىلتىر جۇمىس ىستەگەن, بۇرىن سوتتالعان, 1970 جانە 1986 جىلدارى تۋعان پەتروپاۆلدىڭ ەكى تۇرعىنىنا تۇسەدى. اقىرى ولاردىڭ ۇيلەرىن تەكسەرگەندە ۇرلانعان گەربيتسيد تابىلىپ, تولىعىمەن يەسىنە قايتارىلدى.
قازىر ۇرىلار ۋاقىتشا ۇستاۋ وقشاۋلاعىشىنا قامالىپ, ۇستەرىنەن قىلمىستىق كودەكستىڭ «ۇرلىق» اتتى 188-ءشى بابى بويىنشا قىلمىستىق ءىس قوزعالعان. ء«بىز كوكتەمگى ەگىسكە دايىندىق جۇرگىزىلە باستاعان 27 ساۋىردەن بەرى «استىق» اتتى الدىن الۋ شارالارىن جۇرگىزۋدەمىز. وسى شارانىڭ شەڭبەرىندە كريمينالدىق پوليتسيانىڭ بارلىق بولىمشەلەرى تۇقىم, گەربيتسيد, جانار-جاعار ماي جانە قوسالقى بولشەكتەردىڭ ۇرلىعىنا قارسى ارەكەت ەتۋدە. ەگىس پەن استىق جيناۋ ناۋقاندارىندا اگراريلەر وزدەرىنىڭ مۇددەلەرىن قورعاۋعا ايرىقشا ءزارۋ. ءبىز ولاردى قولداۋعا ارقاشان دايىن بولۋىمىز كەرەك», دەيدى وبلىستىق پد كريمينالدىق پوليتسيا باسقارماسىنىڭ باستىعى, پولكوۆنيك پەتر كليموۆ.
بيىل اۋىلشارۋاشىلىعى تاۋار وندىرۋشىلەرىنىڭ مەنشىگىنە قارسى 5 قىلمىس جاسالعان ەكەن, بۇگىنگى تاڭعا دەيىن سونىڭ 4-ءۋى اشىلعان.
سولتۇستىك قازاقستان وبلىسى