قوبدا اۋدانىنىڭ اكىمدىگى ۇيىمداستىرعان اقىن-جىرشى ايسا بايتابىنوۆتىڭ شىعارماشىلىعىنا ارنالعان عىلىمي-تاجىريبەلىك كونفەرەنتسيا ۇرپاقتار ساباقتاستىعىن جالعاعان شارا رەتىندە ەستە قالدى. اۋدان اكىمى اسقار جۇسىباليەۆ عىلىمي-تاجىريبەلىك كونفەرەنتسيانى اشىپ, تاريحتى زەردەلەۋدىڭ جاڭاشا سيپات العانىن العا تارتا وتىرىپ, وسى توپىراقتا تۋىپ, حالقىمىزدىڭ عاسىرلار بويى ساناسىندا ساقتالىپ كەلگەن اسىل قازىنالارىن ۇلتىمىزدىڭ التىن قورىنا قوسقان اقىن-جىرشى ايسا اقىننىڭ ەڭبەگىنە ايرىقشا توقتالدى. اقىننىڭ ءوزىنىڭ ولەڭ-جىرلارىمەن كەشەگى قيىن-قىستاۋ كەزدەگى ەلدىڭ كوڭىلىن كوتەرۋگە, ەڭسەسىن تىكتەۋگە سىڭىرگەن شىعارماشىلىق قىزمەتىن اتاپ ءوتتى.
قوبدا اۋدانىنىڭ اكىمدىگى ۇيىمداستىرعان اقىن-جىرشى ايسا بايتابىنوۆتىڭ شىعارماشىلىعىنا ارنالعان عىلىمي-تاجىريبەلىك كونفەرەنتسيا ۇرپاقتار ساباقتاستىعىن جالعاعان شارا رەتىندە ەستە قالدى. اۋدان اكىمى اسقار جۇسىباليەۆ عىلىمي-تاجىريبەلىك كونفەرەنتسيانى اشىپ, تاريحتى زەردەلەۋدىڭ جاڭاشا سيپات العانىن العا تارتا وتىرىپ, وسى توپىراقتا تۋىپ, حالقىمىزدىڭ عاسىرلار بويى ساناسىندا ساقتالىپ كەلگەن اسىل قازىنالارىن ۇلتىمىزدىڭ التىن قورىنا قوسقان اقىن-جىرشى ايسا اقىننىڭ ەڭبەگىنە ايرىقشا توقتالدى. اقىننىڭ ءوزىنىڭ ولەڭ-جىرلارىمەن كەشەگى قيىن-قىستاۋ كەزدەگى ەلدىڭ كوڭىلىن كوتەرۋگە, ەڭسەسىن تىكتەۋگە سىڭىرگەن شىعارماشىلىق قىزمەتىن اتاپ ءوتتى.
عىلىمي-تاجىريبەلىك كونفەرەنتسيادا قر مادەنيەت قايراتكەرى, وبلىستىق ىشكى ساياسات باسقارماسىنىڭ ۇيلەستىرۋشىسى ەركىن قۇرمانبەكوۆ اقىننىڭ ءومىرى مەن شىعارماشىلىعى تۋرالى تولىعىراق باياندادى. «قوبىلاندى باتىردىڭ» 29 نۇسقاسى بار دەپ جۇرسەك, سونىڭ ءبىر نۇسقاسى وسى اقىن-جىراۋ ايسا بايتابىنوۆتىڭ كوكىرەگىنەن جىر بولىپ قۇيىلىپ, حالقىنىڭ التىن قازىناسىنا قوسىلعان. فيلولوگيا عىلىمدارىنىڭ دوكتورى الپىسباي مۇساەۆ ايسا بايتابىنوۆتىڭ ەپيك-جىرشى ەكەنىن ايتا كەلىپ, ونىڭ كوزىن كورگەن عالىمداردىڭ, جامبىل, نۇرپەيىس بايعانين سىندى اقىنداردىڭ ول تۋرالى ايتقان سوزدەرىن, بەرگەن باعالارىن جۇرتشىلىق جادىندا جاڭعىرتتى. ايسا وسىنداي ءىرى تۇلعالارمەن ۇزەڭگى قاعىستىرعان جىرشى-اقىن. ونىڭ, سونداي-اق, ءوزى ايتاتىن قيسا-جىرلاردى, ولەڭدەرىن قىزىنا جازدىرىپ, ەلىمىزدىڭ عىلىم اكادەمياسىنا جىبەرىپ وتىرعانى دا باي مۇراسىنىڭ ساقتالىپ قالۋىنا سەپتىگىن تيگىزگەن. قوبدا اۋدانىنىڭ تۋماسى, عالىم نۇرجان جەتپىسباي اقىن شىعارماشىلىعىن زەرتتەگەن كەزدە اقىن مۇرالارىن وسى قوردان تاپقان. ايسا بايتابىنوۆ شىعارمالارىنىڭ ەل ىشىندەگى ىزدەۋشىسى, جيناۋشىسى-جۋرناليست بالنياز ءاجنيازوۆ اقىننىڭ ەڭ شوقتىعى بيىك جىرى – قوبىلاندى باتىر مەن ونىڭ بالاسى جاسكىلەڭ تۋرالى داستانىنىڭ باسپا بەتىنەن كورۋىنە ۇلەس قوسقان ازامات. وسى قوبدا بويىنىڭ شەجىرەشىسى سانالاتىن ارداگەر جۋرناليست ماسكەۋ شۇكىرانوۆ اقىن تۋرالى ءبىراز دەرەكتەر كەلتىردى, ولاردى ءوزىنىڭ ءار جىلدارى باسپادان شىققان تۋعان جەردىڭ تاريحى تۋرالى كىتاپتارىندا جازعانىن جەتكىزدى. وسى اۋداندا ۇزاق جىلدار باسشىلىق قىزمەت اتقارعان مالىك جەكەەۆ اقىندى بالا كۇنىندە كورگەنىن, سول كەزدەگى اسەرلەرىن ورتاعا سالدى. «قوس شىنار» ءاليا – مانشۇك» قوعامدىق بىرلەستىگىنىڭ توراعاسى عالىمجان بايدەربەس قۇتتىقتاۋ ءسوز سويلەدى. توقسانعا يەك ارتقان مارجان ورىنباەۆا ۇجىمشاردا ساۋىنشى بولىپ ءجۇرىپ, سوعىس جىلدارىندا جۇمىستان سوڭ ءبىر-ءبىرىنىڭ تىزەلەرىن باسىپ وتىرىپ, اقىننىڭ جىرىن تىڭداعانىن ايتىپ بەردى.
بۇل كۇنى قوبداعا اقىننىڭ الىس-جاقىن جەردەگى ۇرپاقتارى تۇگەل جينالدى دەۋگە بولادى. جۇرتشىلىق ولاردىڭ ەستەلىكتەرىن, اڭگىمەلەرىن تىڭدادى.
اقىنعا ارنالعان عىلىمي-ءتاجىريبەلىك كونفەرەنتسيا اقىن ايسا بايتابىنوۆ ارۋاعىن اسقاقتاتقان شارا بولدى. وسى شارانىڭ ناقتى ءناتيجەسى اقىننىڭ باسى قارايتىلىپ, اق كىرپىشتەن ءتورت قۇلاقتى ءۇيى تۇرعىزىلدى. كونفەرەنتسيا سوڭىنان اس بەرىلدى, اقىن رۋحىنا قۇران باعىشتالدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.