پۋشكين اتىنداعى وبلىستىق كىتاپحانادا قازاقستاننىڭ ەڭبەك سىڭىرگەن قايراتكەرى, بەلگىلى كينورەجيسسەر اناتولي لاپتەۆتىڭ «التايدىڭ كەربۇعىسى» اتتى دەرەكتى بەينەەسسەسىنىڭ تۇساۋكەسەر ءراسىمى ءوتتى. وندا ءور التايدىڭ اقيىق جازۋشىسى, قايتالانباس تالانت يەسى ورالحان بوكەيدىڭ ءومىربايانى, كينورەجيسسەردىڭ ءوزى كۋا بولىپ, كىندىك قانى تامعان شىڭعىستايىندا بولعان ساتتەرى اسەرلى سۋرەتتەلگەن.
پۋشكين اتىنداعى وبلىستىق كىتاپحانادا قازاقستاننىڭ ەڭبەك سىڭىرگەن قايراتكەرى, بەلگىلى كينورەجيسسەر اناتولي لاپتەۆتىڭ «التايدىڭ كەربۇعىسى» اتتى دەرەكتى بەينەەسسەسىنىڭ تۇساۋكەسەر ءراسىمى ءوتتى. وندا ءور التايدىڭ اقيىق جازۋشىسى, قايتالانباس تالانت يەسى ورالحان بوكەيدىڭ ءومىربايانى, كينورەجيسسەردىڭ ءوزى كۋا بولىپ, كىندىك قانى تامعان شىڭعىستايىندا بولعان ساتتەرى اسەرلى سۋرەتتەلگەن.
ا.لاپتەۆ وسىدان شيرەك عاسىر بۇرىن ورالحاننىڭ كاتونقاراعايدا بولعان كەزدەگى تاريحي بەينەسىن تاسپاعا ءتۇسىرىپ الىپتى. جازۋشىنىڭ اتا-اناسى, جەرلەستەرى جايلى دا فيلمدە كەڭىنەن باياندالادى. فيلمدە ولجاس سۇلەيمەنوۆ, ءاسانالى ءاشىموۆ, بەكسۇلتان نۇرجەكە سياقتى بەلگىلى تۇلعالار دا جازۋشى تۋرالى ءوز ويلارىن ورتاعا سالادى. جارتى ساعاتتىق فيلمگە قارجىلاي دەمەۋشىلىك جاساعان وبلىستىق ىشكى ساياسات دەپارتامەنى.
تۇساۋكەسەر راسىمىندە جازۋشى الىبەك قاڭتارباەۆ, ورالحاننىڭ جەرلەسى, زامانداسى امانتاي باكين, تاعى باسقالار فيلم-ەسسەنىڭ تارتىمدى, كورەرمەندەرىن باۋراپ الاتىنى جايلى جىلى پىكىر ءبىلدىردى. ايتا كەتۋ كەرەك, ۇستىمىزدەگى جىلدىڭ 28 قىركۇيەگىندە كەشكى ساعات 19.30-دا رەسپۋبليكالىق «مادەنيەت» ارناسى «التايدىڭ كەربۇعىسى» («چەلوۆەك – ولەن»), ءفيلمىن كوگىلدىر ەكراننان كورسەتەدى.
وڭداسىن ەلۋباي,
«ەگەمەن قازاقستان».
وسكەمەن.