ءسۇت ونىمدەرىن ۇلعايتۋ ءۇشىن...

وسى ورايدا وبلىستا ءسۇت ونىمدەرىنىڭ كولەمىن كوتەرۋ جانە كلاستەرىن قۇرۋ ءۇشىن 2014-2019 جىلداردا «ىرىس» باعدارلاماسى شەڭبەرىندە جالپى سانى 650 باسقا ارنالعان ون تاۋارلى ءسۇت فەرماسىن قۇرۋ كوزدەلگەندى. العا قويىلعان ماقسات ويداعىداي جۇزەگە استى. اتالعان ۋاقىتتىڭ ارالىعىندا 875 باسقا ارنالعان 12 فەرما قۇرىلىپ, بۇل جونىندە بەلگىلەنگەن مەجە 13,6 پايىزعا اسىرا ورىندالدى.

-بۇگىنگى كۇنى اتالعان باعدارلاما بويىنشا قارجى ينستيتۋتتارىمەن بىرلەسە وتىرىپ «نان», «بەرەكە», «ەسبول» سەكىلدى شارۋا قوجالىقتارىنىڭ جانىنان تاۋارلى ءسۇت فەرمالارىن قۇرۋ ءىسى قولعا الىندى. سونىمەن بىرگە مارتوك اۋدانىنداعى ميلكەر جشس-دا ءسۇت ونىمدەرىن وندىرۋگە قاتىستى بىرنەشە كەزەڭ بويىنشا جۇرگىزىلگەن جوبالار جاساقتالدى. ويتكەنى مۇنداعى ينۆەستور ءوزىنىڭ باستى قىزمەتىن ءسۇتتى مال شارۋاشىلىعىن جولعا قويۋعا باعىتتاعان بولاتىن, - دەدى بۇل جونىندە گازەت تىلشىسىنە اقتوبە وبلىستىق اۋىل شارۋاشىلىعى باسقارماسىنىڭ باسشىسى قۇسايىن سارسەنباي.

تاۋارلى ءسۇت فەرمالارىن قۇرۋ ءىسى قۇنارلى ءارى جۇعىمدى مال ازىعى كەشەنىن جاساقتاۋ ىسىمەن ءبىر مەزگىلدە جۇرگىزىلمەسە, انشەيىن قۇر بوس ءسوز كۇيىندە قالىپ قوياتىنى انىق. بۇل جونىندە 1780 گەكتار سۋارمالى جەر يگەرىلدى. بۇعان قوسا بيىلعى جىلى وبلىستا قۇاراما جەم زاۋىتى مەن تاعى ءىر تاۋارلى ءسۇت فەرماسى قۇرىلىسىن باستاۋ جوسپارلانعان. قازىرگى كۇنى بۇعان بولىنگەن ينۆەستيتسيا كولەمى 2 ملر 300 ميلليون تەڭگە كولەمىندە بولىپ وتىر.

وڭىردە ءسۇت ونىمدەرىن وڭدەپ بۇدان ءازىر ونىمدەر شىعارۋ ىسىندە «ايس» تاۋارلى ءسۇت فەرماسىنىڭ ءباسى بيىك تۇر. 1100 ساۋىن سيىرعا ارنالعان ىرگەلى كاسىپورىنداعى زاماناۋي قۇرال-جابدىقتار الەمدىك ستاندارتتارعا تولىقتاي سايكەس كەلەدى. اتالعان جوبانىڭ جىلدىق قۋاتى جىلىنا 12 مىڭ توننا ءسۇت ونىمدەرىن وندىرۋگە لايىقتالعان.

اقتوبە وبلىسى