سوڭعى تاۋلىك ىشىندە الماتى وبلىسىندا كوروناۆيرۋس ينفەكتسياسىن جۇقتىرعاندار سانى 10 ادامعا كوبەيدى. وسى ساتتەگى دەرەك بويىنشا جالپى ناۋقاس سانى – 201. سوڭعى مالىمەتكە سايكەس تالدىقورعان قالاسىندا 6 ادامنان, كەگەن اۋدانىندا 2 ادامنان جانە تالعار اۋدانىندا 2 ادامنان تىركەلگەن.
- بارلىق 10 ادام بەلسەندى تۇردە انىقتالدى. ولاردىڭ سەگىزى بۇعان دەيىن كوروناۆيرۋس ينفەكتسياسىن جۇقتىرعان ادامدارمەن قارىم-قاتىناستا بولعان, ال ەكەۋىنەن مەديتسينالىق مەكەمەگە جۇگىنگەن كەزدە ىندەت بەلگىسى انىقتالدى. ۆيرۋستى جۇقتىرعاندىڭ التاۋى تالدىقورعان قالاسىنىڭ, ەكەۋى كەگەن اۋدانىنىڭ جانە ەكەۋى تالعار اۋدانىنىڭ تۇرعىندارى. پتر-تالداۋ ناتيجەلەرى بويىنشا بۇل ازاماتتارعا COVID-19 دياگنوزى قويىلدى. اۋىرعان ادامدار الدىن الا وقشاۋلانعان, قازىرگى ۋاقىتتا جۇقپالى اۋرۋلار بولىمىنە اۋىستىرىلدى. ولارمەن قارىم-قاتىناستا بولعان ادامدار انىقتالىپ وقشاۋلانادى جانە كوروناۆيرۋسقا زەرتحانالىق تەكسەرىستەن وتەدى, - دەپ حابارلادى الماتى وبلىس اكىمىنڭ ءباسپاسوز قىزمەتى.