15.05.2020 ج. ساعات 23:59-داعى مالىمەت بويىنشا پاۆلودار وبلىسىندا كوروناۆيرۋس ينفەكتسياسىن جۇقتىرعان 7 ادام تىركەلدى.
ولار — 1940, 1942, 1962, 1967 جانە 1969 ج. ت. ايەل ادامدار جانە 1943, 1966 جىلعى ەر ادامدار. بارلىعى بۇعان دەيىن كوروناۆيرۋس انىقتالعان ادامدارمەن قاتىناستا بولعان.ولار مەديتسينالىق كومەككە جۇگىنبەگەن, وزدىگىنەن ەمدەلگەندەر. بارلىعىندا دەنە قىزۋى كوتەرىلۋى, تاماقتىڭ اۋىرۋى, السىزدىك, دەمىگۋ بەلگىلەرى بايقالعان.پاتسيەنتتەر ەكىباستۇز قالالىق اۋرۋحاناسىنىڭ جۇقپالى اۋرۋلار بولىمشەسىنە جاتقىزىلعان. ايەل ادامدارعا ءجىتى برونحيت, سوزىلمالى برونحيت جانە ءورا دياگنوزى قويىلدى. ولاردىڭ ءبىرى تىنىس دەمىكپەسىمەن ەسەپتە تۇرعان. 1966 جىلعى ەر ادام برونحىنىڭ وتكىر قابىنۋى دياگنوزىمەن جاتقىزىلدى. 77 جاستاعى ەر ادام جۇرەكتىڭ يشەميالىق اۋرۋىمەن ەسەپكە الىنعان. COVID-19-عا الىنعان اناليز ءبارىنىڭ كوروناۆيرۋستى جۇقتىرعانىن كورسەتتى. بارلىعىمەن بايلانىستا بولۋى مۇمكىن ادامدار توبى انىقتالدى. ۇسو فيليالىنىڭ ماماندارى پروۆيزورلىق ستاتسيونار مەن تۇرعىلىقتى جەرلەرىندە زارارسىزداندىرۋ جۇمىستارىنن جۇرگىزدى.سوزىلمالى اۋرۋى بار ناۋقاستاردا COVID-19-دىڭ انىقتالۋىنا وراي, ەكىباستۇز قالالىق باسقارماسى بمسك ۇيىمدارىنا ديسپانسەرلىك ەسەپتە تۇرعان ازاماتتارعا قاتىستى جۇمىستىڭ ءالىسىز جۇرگىزىلۋ فاكتىسىنە بايلانىستى قالانىڭ مەديتسينالىق ۇيىمدارىندا تەكسەرىستەر باستالدى. ەپيدەمياعا قارسى شارالار قولعا الىنعان.15 مامىرداعى جاعداي بويىنشا پاۆلودار وبلىسىندا كوروناۆيرۋس ينفەكتسياسىن جۇقتىرعان 162 ادام تىركەلگەن.