«كورشىڭ اش وتىرعاندا توق وتىرمىن دەمە» دەگەندەي سولتۇستىك قازاقستاننىڭ حالقى دا باستارىنا ءىس تۇسكەن تۇركىستاندىق باۋىرلارىنا قولدان كەلگەن كومەكتەرىن كورسەتۋدە.
جۋىردا ماقتاارال اۋدانىنا قىزىلجار وڭىرىنەن 20 توننا ازىق-ت ۇلىك, ونىڭ ىشىندە 14 توننا ۇن, 5 توننا كارتوپ جانە 1 توننا ماكارون ونىمدەرى اتتاندىرىلدى. زارداپ شەككەن وتانداستارىمىزعا سولتۇستىكتەن العاشقى كومەك وسىلاي ءجۇرىپ كەتتى.
جۇكتى جەتكىزۋگە باسشىلىق جاساۋ مىندەتى وبلىستىڭ ۆەتەريناريا باسقارماسىنىڭ باسشىسى بەرىك الجانوۆقا تاپسىرىلعان ەكەن. ءوزىنىڭ قىسقا سوزىندە ول: «سولتۇستىكقازاقستاندىقتار وتانداستارىمىزدىڭ قايعى-قاسىرەتىنەن تىس قالماۋىمىز كەرەك. بۇل جۇك ماقتارال اۋدانىنىڭ ەۆاكۋاتسيالانعان تۇرعىندارى ءۇشىن جينالىپ, از ۋاقىتتا دايىن بولدى. جۇكتىڭ نەگىزگى بولىگى ادامدارعا ءبىرىنشى كەزەكتەگى قاجەتتى زاتتار», - دەدى ول.
قايىرىمدىلىق كومەك جيناۋعا وبلىستىق اكىمدىك, «Nur Otan» پارتياسى, مەملەكەتتىك ۇيىمدار, «سولتۇستىك» اكك وكىلدەرى, دەپۋتاتتار مەن بيزنەسمەندەر قوسىلدى. سۋ تاسقىنىنان زارداپ شەككەندەرگە كومەك كورسەتۋ جونىندەگى ارنايى شتابپەن تۇراقتى بايلانىس ورناتىلعان.
تۇركىستان وبلىسى اكىمدىگىنىڭ مالىمەتىنە قاراعاندا بۇگىنگى تاڭدا ماقتارال اۋدانىنداعى 14 اۋىلدىڭ 30 مىڭنان استام تۇرعىنى قاۋىپسىز جەرلەرگە كوشىرىلدى. سۋ استىندا 845 ءۇي, 3 مەكتەپ, 5 بالاباقشا, 4 مەديتسينالىق عيمارات جانە مادەنيەت ءۇيى, 55 كم جول مەن كوپىر قالىپتى.
سولتۇستىك قازاقستان وبلىسى