سقو: ​دامۋ قالىپتى جاعدايدا

اۋىلشارۋاشىلىعىندا جۇمىرتقا وندىرۋدە پروبلەما بولعانىمەن ەت پەن ءسۇت ونىمدەرىن شىعارۋدا ىلگەرىلەۋشىلىكتەر بار. اسىرەسە, تاۋارلى-ءسۇت فەرمالارىنىڭ جۇمىسى ءوزىنىڭ تيىمدىلىگىن كورسەتۋدە. بىلتىر ولاردىڭ تورتەۋى ىسكە قوسىلعان بولسا بيىل تاعى 10-ىن وندىرىسكە ەنگىزۋ جوسپارلانۋدا. قازىر ولاردىڭ ۇشەۋىنە 801 ملن تەڭگە قاراجات بولىنگەن. «وسى جىلدىڭ قورىتىندىسى بويىنشا ءبىز اۋىلشارۋاشىلىعى ونىمدەرىن ءوندىرۋدىڭ 4 پايىزدىق وسىمىنە قول جەتكىزۋىمىز كەرەك. مەن مۇنى وسى ىسكە قاتىسى بار بارلىق باسشىلاردان تالاپ ەتەمىن», دەدى وبلىس اكىمى قۇمار اقساقالوۆ.

ونەركاسىپ ونىمدەرىنىڭ العاشقى توقسانداعى ءوسىمى 7,2 پايىز بولىپ, رەسپۋبليكالىق ورتاشا كورسەتكىشتەن جوعارى بولىپتى. قالانىڭ ونەركاسىپ گيگانتتارى اراسىندا زيكستو زاۋىدىنىڭ ءونىم بەرە باستاعانى بۇل ىسكە ءوزىنىڭ وڭ ىقپالىن تيگىزگەن. «بۇل كاسىپورىن 1,5 جىل بويى توقتاپ قالعان ەدى. ءبىز ونىڭ قايتا جاندانۋىنا 1,8 ملرد. تەڭگە ينۆەستيتسيا تارتا الدىق. قازىر زاۋىت ءوزىنىڭ بۇرىنعى جۇمىسشىلارىنا جۇمىس تاۋىپ بەرۋمەن قاتار جاڭادان 100 جۇمىس ورنىن اشپاقشى», دەدى ق.اقساقالوۆ. سونىمەن بىرگە ول پزتم سياقتى بايىرعى كاسىپورىنداردىڭ قازىرگى زامان تالابىنا ساي بولا الماي وتىرعانىن دا سىناپ ءوتتى. زاۋىت باسشىلىعى تەك مەملەكەتتىك تاپسىرىستى عانا توسىپ وتىرادى, ازاماتتىق تاۋارلار وندىرۋگە قۇلشىنىس تانىتپايدى, دەدى اكىم.  

ءوڭىر باسشىسىنىڭ سىنى ادىلەتتى ەكەنى كورىنىپ تۇر. ويتكەنى, بۇل زاۋىت بىلتىر ۆاگون شىعارۋ بويىنشا وتە ۇلكەن تاپسىرىس العان ەدى. بىراق سونى ۋاقىتىندا ورىنداي المادى.  الايدا زاۋىت باسشىسى ازامات جۋاسپاەۆتىڭ ايتۋىنا قاراعاندا تاپسىرىستىڭ ورىندالماۋ سەبەبى قاجەتتى بۇيىمداردىڭ ۋاقتىلى تۇسپەۋىنەن ەكەن.

وبلىس اكىمى اتى جامان ىندەتتىڭ وڭىردەگى احۋالى تۋرالى دا ايتىپ, قازىر ونىڭ تۇراقتانعانىنا نازار اۋداردى. مامىردىڭ 18-نەن باستاپ پوليتسەيلىك ناريادتار جۇرمەيتىنى, تەك كوپشىلىك ورىنداردا ادامنىڭ ىستىعىن تەكسەرۋ عانا جالعاساتىنى بەلگىلى بولدى. سونىمەن بىرگە جازدىق دەمالىس ورىندارى دا قالىپتى جۇمىس ىستەۋگە كوشىپ, دەمالۋشىلاردى ەركىن قارسى الادى ەكەن.

سولتۇستىك قازاقستان وبلىسى