قازاقستاندا ەڭ جوعارى سۇرانىسقا يە ۋنيۆەرسيتەتتەر انىقتالدى

زەرتتەۋ ناتيجەلەرى بويىنشا العاشقى ءبىرىنشى ورىندى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى يەلەندى. س.سەيفۋللين اتىنداعى قازاق اگروتەحنيكالىق ۋنيۆەرسيتەتى – ەكىنشى, قاراعاندى مەملەكەتتىك تەحنيكالىق ۋنيۆەرسيتەتى ءۇشىنشى ورىندا.

رەيتينگكە قاتىسۋ ءۇشىن رەسپۋبليكا بويىنشا 89 جوو ءوتىنىم بەرىپ, 1939 ءبىلىم بەرۋ باعدارلاماسى تىركەلگەن. اگەنتتىك اتاپ وتكەندەي, رەيتينگ ناتيجەسى  تومەندەگى كريتەريلەر بويىنشا باعالاندى:

ءبىلىم بەرۋ ساپاسىنىڭ حالىقارالىق كورسەتكىشى رەتىندە ينستيتۋتسيونالدى جانە باعدارلامالىق اككرەديتتەۋ;

ادامي رەسۋرستاردىڭ دامۋ دەڭگەيى;

جوعارى ءبىلىمدى ينتەرناتسيونالداندىرۋ;

عىلىمي زەرتتەۋلەردىڭ دامۋ دەڭگەيى;

جۇمىسپەن قامتۋ جانە ەڭبەك نارىعىنداعى تۇلەكتەرگە سۇرانىس.

بيىلعى رەيتينگىنىڭ ەڭ باستى ەرەكشەلىگى, ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلاۋدىڭ بىلىكتىلىك تالاپتارىنا سايكەس ءبىلىم بەرۋ باعدارلامالارىن توپتار بويىنشا سارالاۋ بولىپ تابىلادى.