كارانتين كەزىندەگى ەپيدەميولوگيالىق جاعدايدىڭ تۇراقسىزدىعىنا بايلانىستى الماتى قالاسىندا حالىققا قىزمەت كورسەتۋ ورتالىقتارى ءوز جۇمىسىن ءالى باستاعان جوق.
حقو-لار ازاماتتارعا مەملەكەتتىك قىزمەتتەردى الماتى قالاسىنىڭ باس سانيتارلىق دارىگەرى ءتيىستى شەشىم قابىلداعاننان كەيىن عانا كورسەتە باستايدى.
قازىرگى تاڭدا الماتى قالاسىندا شاعىن جانە ورتا بيزنەس سۋبەكتىلەرىنە قىزمەت كورسەتۋ ءۇشىن شۇعىلا, 347/1 مەكەنجايىندا ورنالاسقان ءبىر حقو جۇمىس ىستەپ تۇر.
«سونداي-اق مەملەكەتتىك قىزمەتتەردى الۋعا ءوتىنىمدى egov.kz پورتالى ارقىلى راسىمدەگەن ازاماتتار دايىن بولعان قۇجاتتارىن اۋەزوۆ اۋداندىق حقو-دان (جاندوسوۆ, 51) جانە مامانداندىرىلعان حقو-دان (مايلين, 85) الىپ كەتە الادى. اتالعان بولىمدەردە تەك دايىن قۇجاتتاردى بەرۋ تەرەزەلەرى عانا جۇمىس ىستەيدى.
Egov.kz پورتالىندا ونلاين برونداۋ قىزمەتى حقو-لار ءوز قىزمەتىن قايتا باستاعان وڭىرلەر ءۇشىن عانا جارامدى ەكەنىنە باسا نازار اۋدارۋدى سۇرايدى. الماتى قالاسى ءۇشىن حقو-لار اشىلعانعا دەيىن بروندالعان كەزەك جارامسىز.
الماتى قالاسى بويىنشا حقو-لاردىڭ جۇمىسىنىڭ قايتا باستالۋى تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ gov4c.kz رەسمي سايتىندا, الەۋمەتتىك جەلىلەردەگى رەسمي اككاۋنتتارىندا جانە باق-تاردا قوسىمشا جاريالاناتىن بولادى. وزەكتى اقپاراتتى قاداعالاپ وتىرۋدى سۇرايمىز», دەيدى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ماماندارى.