«توتتەنحەم» كلۋبىنىڭ شابۋىلشىسى گارري كەين انگليانىڭ ءتورتىنشى ديۆيزيونىندا ونەر كورسەتىپ جۇرگەن «لەيتون وريەنت» كلۋبىن ءوز قامقورلىعىنا الىپ, سول ۇجىمنىڭ دەمەۋشىسى بولىپ تىركەلدى.
اتاقتى اعىلشىن فۋتبولشىسىنىڭ بۇل كومانداعا بەكەر كوڭىلى ءتۇسىپ وتىرعان جوق. 26 جاستاعى ازاماتتىڭ سپورتتىق كارەراسى ءدال سول «لەيتون وريەنتتە» باستالعان بولاتىن. كەيىننەن باسقا بىرقاتار كلۋبتاردىڭ جەيدەسىن كيگەن كەين قازىرگى كەزدە «توتتەنحەمنىڭ» نامىسىن قورعاۋدا. 2015/16 جانە 2016/17 جىلدارعى ماۋسىمداردا ول انگليا پرەمەر-ليگاسىنىڭ ەڭ مەرگەن شابۋىلشىسى اتاعىن جەڭىپ الدى.
سونداي-اق گارري كەين انگليا ۇلتتىق قۇراماسىنىڭ كاپيتانى. 2018 جىلى رەسەيدە وتكەن الەم چەمپيوناتىندا ول ەڭ مەرگەن شابۋىلشى اتانىپ, الەمنىڭ شارتتى قۇراماسىنا ەندى. 2019 جىلى ايتۋلى كوماندا ۋەفا ۇلتتار ليگاسىندا قولا مەدالدى يەلەندى.