بۇل – ناعىز پاراساتتى شەشىم

باق ارقىلى تاراعان: «تو­­تەنشە جاعداي رەجىمىن قام­­تاماسىز ەتۋ جونىندەگى مەم­­لەكەتتىك كوميسسيا اۋ­قىم­دى جۇمىس اتقاردى. حا­لىق­­تىڭ دەنساۋلىعىن قورعاۋ, ولار­دىڭ تابىسىن ارتتىرۋ جانە بيزنەسىن قولداۋ ءۇشىن 500-گە جۋىق شەشىم قابىل­دا­نىپ, جۇزەگە اسىرىلدى. ەندى توتەنشە جاعداي رەجى­مىن قامتاماسىز ەتۋ جونىن­دەگى كوميسسيا ەكونو­مي­كالىق ءوسىمدى قالپىنا كەل­تىرۋ جونىندەگى مەملەكەتتىك كو­ميسسيا بولىپ قايتا قۇرى­لادى. بۇگىن بۇكىل ەلىمىزدەگى توتەنشە جاعداي رەجىمى اياقتالدى. الايدا كەيبىر ايماقتاردا دەرتتىڭ تارالۋى باسەڭدەمەي وتىر.سوعان قاراماستان كوپتەگەن سالانىڭ قىزمەتى قالپىنا كەلە باستادى. قازىردىڭ وزىندە 1 ميلليون 100 مىڭنان استام ازامات جۇمىسقا شىقتى. ەندى ەلىمىز بويىنشا دۇ­كەن­دەر­دىڭ ءبىرازى اشىلادى, ءسان سالوندارىنىڭ, ءبى­لىم ور­تا­لىق­تارىنىڭ, تاعى باس­قا نى­سان­داردىڭ قىزمەتى قاي­تا جاندانا باستايدى. ساياباق­تار اشىلادى. جو­لاۋشىلارعا ارنالعان اۋە تا­سىمالىنىڭ جۇمىسى قال­پىنا كەلەدى. بۇعان دەيىن 6 قالانىڭ اۋەجايى اشىلعان بو­لاتىن. ەندى وعان تاعى 7 قا­لا قوسىلادى» دەگەن سوز­دەر الپىس كۇن بويى ءتورت قا­بىرعاعا قامالعان  حالىق­تىڭ كو­ڭىلىندەگى تۇمان مەن كۇ­ماندى سەرپىپ تاستادى. تو­تەنشە جاعداي رەجىمىن قام­تاماسىز ەتۋ جونىندەگى كو­ميس­سيانىڭ ەندى ەكونوميكالىق ءوسىمدى قالپىنا كەلتىرۋ جو­نىن­دەگى كوميسسيا بولىپ قايتا قۇرىلۋى – كوپتىڭ كوڭى­لىنەن شىققان وتە تاپقىر, اسا اقىلدى, پاراساتتى شەشىم.

توتەنشە جاعدايلار جو­نىن­دەگى مەملەكەتتىك كوميس­سيانىڭ قورىتىندى ماجى­لىسىندە: «ايتسە دە كوپتەگەن شەكتەۋ الىنىپ تاس­تال­عانىنا قاراماستان, كۇن­دە­لىكتى ومىردە ساقتىق شارالارىن قاتاڭ ۇستانۋ ماڭىزدى بولىپ قالا بەرمەك. اتاپ ايت­قاندا, شاعىن, ورتا, ءىرى كومپانيالار جاڭا ەرەجەلەرگە ساي­كەس جۇمىس ىستەۋى كەرەك. الەۋ­مەتتىك اراقاشىقتىقتى ساقتاۋ, كوپشىلىك جينالعان جەردە بەتپەردە تاعىپ ءجۇرۋ قالىپتى جاعدايعا اينالۋعا ءتيىس. وبلىستار اراسىنداعى كولىك قاتىناسىنا قاتىستى شەكتەۋلەر قالا بەرەدى. قو­عام­دىق كولىكتەر جارتىلاي جۇك­­تەمەمەن جۇمىس ىستەي­دى. جولاۋشىلاردان بەت­پەر­دە تاعۋ تالاپ ەتىلەدى. كوشە­دە توپتاسىپ جۇرە­تىن­دەر 3 ادامنان اسپاۋى كەرەك. مەم­لەكەتتىك قىزمەت­شى­لەردىڭ 50 پا­يىزى قاشىقتان جۇمىس ىستەي بەرەدى. جەكە كاسىپ­ورىن باسشىلارى قانشا قىز­­مەت­كەردى جۇمىسقا شىعا­را­تى­نىن وزدەرى انىقتاۋعا ءتيىس», دەپ قاداپ ايتىلدى. بۇل دا حا­لىقتىڭ ويىن ءدوپ باس­قان وتە ورىندى, پاراساتتى شە­شىم.

تاعى ءبىر جان سۇيسىنتكەن جاقسى حابار – مەملەكەت باسشىسى «5-10-20» جاڭا تۇرعىن ءۇي جوباسى قابىلداناتىنىن جەتكىزدى. بۇل باستى ۋايىمى باسپانا بولعان تالايلاردىڭ ارمانى ورىندالىپ, باعى جانادى دەگەن ءسوز!

بارلىق قاجەتتى شارالاردى دەر كەزىندە شۇعىل جاساپ, اسا قاتەرلى دەرتتىڭ الدىن العان پرەزيدەنت بۇل جولى دا وزىنە ءتان ساليقالىلىقپەن كوپتىڭ كوڭىلىنەن شىققان پاراساتتى شەشىم قابىلدادى.

ءسابيت دوسانوۆ,

مەملەكەتتىك سىيلىقتىڭ لاۋرەاتى

الماتى