كولىكتەگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى سادۋاقاس بايعابىلوۆ پوەزدارداعى كۇشەيتىلگەن سانيتاريالىق-دەزينفەكتسيالىق تالاپتاردى اتادى.
«1 ماۋسىمنان باستاپ پوەزدار كۇشەيتىلگەن سانيتاريالىق-دەزينفەكتسيالىق رەجيمدى جانە قوسىمشا تالاپتاردى ساقتاي وتىرىپ, جۇمىسىن قايتا باستايدى. ۆوكزال عيماراتىنا تەك بيلەتى بار جولاۋشىلار كىرگىزىلەدى. جولاۋشىلار ماسكا تاعۋعا, ال جولسەرىكتەر بەتپەردەمەن قوسا قولعاپ كيۋگە مىندەتتى», - دەدى سادۋاقاس بايعابىلوۆ.
ونىڭ ايتۋىنشا, شىعارىپ سالۋشىلار ۆوكزال عيماراتىنا كىرە المايدى. شىعارىپ سالۋشىلار جولاۋشىلارمەن سىرتتا قوشتاسۋى ءتيىس. ۆوكزالدىڭ وزىندىك قاۋىپسىزدىك قىزمەتى كىرە بەرىستە بارلىق ادامنىڭ دەنە قىزۋىن بايلانىسسىز تەرمومەترمەن تەكسەرەدى.
«ۆوكزال ىشىندە, پويىزعا وتىراردا جانە ودان تۇسەردە جولاۋشىلار اراسىندا الەۋمەتتىك ارا قاشىقتىق ساقتالۋى ءتيىس. ۆاگوندار اراسىندا جولاۋشىلاردىڭ قوزعالىسى شەكتەلەدى. پويىز جۇرگەننەن كەيىن جولسەرىكتەر جولاۋشىلارعا انكەتا تاراتادى. ۆوكزال مەن پويىزداردا جۇمىس ىستەيتىن قىزمەتكەرلەر ءار اۋىسىم الدىندا مەديتسينالىق تەكسەرىستەن وتەدى. ەگەر جاعداي تۇراقتالسا, بۇل شارالار كەزەڭ-كەزەڭمەن جەڭىلدەتىلەدى», – دەدى ول.