قازاقستاندا توتەنشە جاعداي رەجيمى اياقتالىپ, سپورتشىلار جاتتىعۋ جۇمىستارىنا دايىندالىپ جاتىر.
دزيۋدودان ەرلەر ۇلتتىق قۇراماسىنىڭ باس باپكەرى ايدىن سماعۇلوۆتىڭ ايتۋىنشا, جاتتىعۋ-جيىنىندا بارلىق سانيتارلىق تالاپ قاتاڭ ساقتالادى.
«كارانتيننەن كەيىنگى العاش رەت جاتتىعۋ-جيىنىنا كىرىسكەلى وتىرمىز. ءبىزدىڭ جوسپار بويىنشا, 27 مامىر – 8 ماۋسىم ارالىعىندا الماتى وبلىسىنداعى «اقبۇلاق» وليمپيادالىق ورتالىعىندا جينالامىز. ودان كەيىن 17 ماۋسىم مەن 1 شىلدە ارالىعىندا ەكىنشى جاتتىعۋ-جيىنىن وتكىزەمىز. ۇزاق ۇزىلىستەن كەيىن قۇراما ەكى جيىندى قاتارىنان وتكىزەدى.
ارينە, قازىرگى جاعدايدى ەسكەرە وتىرىپ, بارلىق سانيتارلىق تالاپ قاتاڭ ساقتالادى. سەبەبى, ءبىز ءۇشىن سپورتشىلاردىڭ دەنساۋلىعى, ولاردىڭ اماندىعى ءبىرىنشى ورىندا», دەيدى ايدىن سماعۇلوۆ.