جامبىل وبلىسىنىڭ اكىمى بەردىبەك ساپارباەۆ جيىندا وڭىردەگى تسيفرلاندىرۋدى ەنگىزۋگە باعىتتالعان جۇمىستاردىڭ ناشار جۇرگىزىلىپ جاتقانىن سىنعا الدى. اتالعان ماسەلە اعىمداعى جىلدىڭ ءساۋىر ايىندا عانا وتكەن كەڭەستە جان-جاقتى تالقىلانعان بولاتىن.
باسقوسۋدا وبلىس اكىمىنىڭ ورىنباسارى نۇرجان كالەندەروۆ بايانداما جاساپ, تسيفرلاندىرۋدى ەنگىزۋ بويىنشا بىرقاتار باستامالاردىڭ ورىندالماعانىن ايتتى. ماسەلەن, ءبىلىم بەرۋ سالاسىندا 7 باستامانىڭ 5-ەۋى, دەنساۋلىق ساقتاۋ سالاسىندا 12 باستامانىڭ 10-ى عانا جۇزەگە اسىرىلعان. سونىمەن قاتار, الەۋمەتتىك قىزمەتتەردى ۇسىنۋ, قالالىق باسقارۋشىلىق, كولىك, جەر قاتىناستارى جانە تۇرعىن ءۇي-كوممۋنالدىق شارۋاشىلىق سالالارىندا دا كەمشىلىكتەردىڭ بار ەكەنى انىقتالعان.
«ەل پرەزيدەنتى ناقتى مىندەتتەردى ايقىنداپ بەردى. ۇكىمەت ولاردى ورىنداۋعا باعىتتالعان شارالاردى بەلگىلەدى. بىراق ستراتەگيالىق ماقساتتارعا جەتۋ جولىندا كىدىرىس بايقالۋدا. تسيفرلاندىرۋدى جۇزەگە اسىرۋدا ءبىزدىڭ وبلىس رەسپۋبليكا بويىنشا ارتتا قالعانداردىڭ قاتارىنان كورىنىپ وتىر. ءبىز بۇل تۋرالى جىل باسىنان بەرى ايتىپ كەلەمىز, بىراق ناتيجە جوق. ءالى دە سول قالپىندا. مۇنىڭ ءبارى جاۋاپتى تۇلعالار تاراپىنان ءتيىستى باقىلاۋ مەن تالاپتىڭ جوقتىعىنىڭ سالدارى» دەدى بەردىبەك ساپارباەۆ.
كەزدەسۋ بارىسىندا اكىم ءبىلىم بەرۋ سالاسىندا جاڭا وقۋ جىلى باستالعانعا دەيىن اقپاراتتىق جۇيەلەردى بىرىكتىرۋ بويىنشا جۇمىستاردى اياقتاۋدى تاپسىردى. سونداي-اق, ءار مەكتەپتە پوليتسيا بولىمدەرى مەن جەدەل باسقارۋ ورتالىعىنا بايلانىستىرىلعان بەينەباقىلاۋ كامەرالارى ورناتىلۋى ءتيىس.
ءتيىستى باسشىلارعا الەۋمەت-ەڭبەك سالاسىندا ەلەكتروندىق قىزمەت كورسەتۋ ۇلەسىن 70 پايىزعا دەيىن جەتكىزۋ, الەۋمەتتىك ID-كارتانى ىسكە قوسۋ مىندەتتەرى جۇكتەلدى. تاراز قالاسى بويىنشا باسقارۋ سالاسىندا ءالى دە كوپ شارۋا اتقارىلۋ كەرەكتىگى ايتىلدى. قالا باسشىلىعىنا اۋەلى مەملەكەتتىك قىزمەتتەردى اۆتوماتتاندىرۋدى, «اشىق اكىمدىك» فرونت-ءوفيسىن قۇرۋ قاجەتتىگى ەسكەرتىلدى. پاتەر يەلەرى مەن سەرۆيستىك ۇيىمدار اراسىنداعى ءوزارا قارىم-قاتىناستى جەتىلدىرىپ, كوشەلەردى جارىقتاندىرۋدى باسقارۋ جۇيەسىن دە رەتتەۋ كەرەك.
سونداي-اق قوعامدىق كولىكتەردە ەلەكتروندى بيلەتتەندىرۋدى ەنگىزۋ مىندەتى دە ءالى وزەكتى ماسەلە كۇيىندە قالۋدا ەكەن. جول قوزعالىسى مەن باعدارشامداردى باسقارۋ جۇيەسىن جەتىلدىرۋ ءىسى دە ماڭىزدى بولىپ وتىر.
«بۇعان دەيىن وتكەن كەزدەسۋدە جاۋاپتى تۇلعالار العا قويىلعان مىندەتتەردىڭ اعىمداعى جارتىجىلدىقتىڭ اياعىنا دەيىن ورىندالاتىنىنا سەندىرگەن ەدى. ەندى ول مەرزىم قازان-قاراشا ايىنا اۋىسىپتى. ول ءۇشىن سەبەپ تاۋىپ, كوروناۆيرۋس, كارانتيندى العا تارتۋدا. تسيفرلاندىرۋ بويىنشا جۇمىستاردى ءبىر ايدان سوڭ قايتا قارايمىز. سۇرانىس قاتاڭ بولادى. بىزگە جاي سىلتاۋ, بوس سوزدەر ەمەس, ناقتى ناتيجە كەرەك», دەدى بەردىبەك ساپارباەۆ.
جامبىل وبلىسى