رەسپۋبليكالىق كاسىپكەرلىكتى قولداۋ ورتالىعىنىڭ ديرەكتورى دميتري كازانتسەۆ بۇگىن وتكەن ۆەبينار جيىندا پرەزيدەنت قاسىم-جومارت توقاەۆ ۇسىنعان جەكە تابىس سالىعىنداعى قازاقستاندىقتاردىڭ جالاقىسىنىڭ كولەڭكەگە «تىعىلىپ قالۋىنا» مۇمكىندىك بەرەتىنىن ايتتى. ساراپشىنىڭ پايىمداۋىنشا قوسارلانعان بۋحگالتەريانىڭ زاردابىنان ءالى كۇنگە دەيىن قۇتىلا العان جوقپىز.
قازاقستاندا تىركەلگەن جشس مەن شوس –تا قىزمەتكەرلەرىنە قۇجاتتا كورسەتىلگەن ايلىق جالاقىسىنىڭ جارتىسىن كونۆەرتپەن بەرەتىن جاعدايلار ءالى دە كەزدەسىپ قالادى. «قازىر جتس 10%-دى قۇرايدى. ەگەر ونى 15%, 17% جانە 20%-عا كوتەرسە, تەك جۇمىس بەرۋشىلەر عانا ەمەس, قىزمەتكەرلەردىڭ ءوزى جالاقىلارىن كونۆەرتتەرگە سالىپ, قانداي دا ءبىر گراداتسياعا بەيىمدەلۋىن سۇرايدى», دەپ ءتۇسىندىردى كازانتسەۆ.
«ەگەر ءبىز از جالاقى الاتىندار ءۇشىن جتس تومەندەتەمىز دەپ ايتساق جانە ولاردىڭ ءبارى كولەڭكەدەن شىققان بولسا, وندا ونى بىرنەشە ساتىعا ءبولۋ مۇمكىندىگىن قاراستىرىلۋى مۇمكىن. بۇل نۇسقا دا ناتيجە بەرمەيدى. جالاقىعا سالىق سالۋ تاسىلدەرىن تولىعىمەن قايتا قاراۋ جانە ولاردى بىرىكتىرۋ قاجەت دەپ سانايمىن» دەدى كازانتسەۆ.
ەسكە سالا كەتەيىك, توتەنشە جاعداي جونىندەگى مەملەكەتتىك كوميسسيانىڭ وتىرىسىندا مەملەكەت باسشىسى قاسىم-جومارت توقاەۆ پروگرەسسيۆتى جتس شكالاسىن ەنگىزۋ قاجەتتىلىگى تۋرالى مالىمدەدى.