انگليا ۇكىمەتى 1 ماۋسىمنان باستاپ پرەمەر-ليگا جانە باسقا دا سپورتتىق جارىستاردى جالعاستىرۋعا رۇقسات بەردى. بۇل تۋرالى Sky Sports مالىمدەدى. بۇعان دەيىن اپل باسشىلىعى بيىلعى ماۋسىمدى 12 ماۋسىمنان باستاپ جالعاستىراتىنىن حابارلاعان ەدى.
تەلەارنانىڭ حابارلاۋىنشا, ەلدە سپورت باسەكەلەرىن جالعاستىرۋعا رۇقسات بەرىلگەن بولسا دا, جانكۇيەرلەردىڭ ستاديونعا كىرۋىنە ازىرشە رۇقسات جوق. كورەرمەندەر كوروناۆيرۋسقا قارسى ۆاكتسينا دايىن بولعاننان كەيىن عانا تريبۋنالارعا ورالۋى مۇمكىن ەكەنى ايتىلىپ جاتىر.
پاندەمياعا بايلانىستى ۋاقىتشا ۇزىلىسكە شىققانعا دەيىن پرەمەر-ليگا كوماندالارى 28-29 تۋر ماتچتارىن ويناپ قويعان ەدى. تۋرنير كەستەسىندە 29 تۋردان كەيىن «ليۆەرپۋل» 82 ۇپايمەن كوش باستاپ تۇر. ەكىنشى ورىندا 57 ۇپايى بار «مانچەستەر سيتي» بولسا, ءۇشىنشى ورىندا «لەستەر» كومانداسى كەلەدى. قورجىنىندا 53 ۇپايى بار.