«Astana Pro Team» كاسىبي ۆەلوكومانداسى العاش رەت وتكىزىلگەن «دجيرو د’يتاليا» ۆيرتۋالدى ۆەلوجارىسىندا توپ جاردى, دەپ حابارلادى ۇوك ءباسپاسوز قىزمەتى.
سوڭعى جەتىنشى كەزەڭدى ءتورتىنشى ورىنمەن اياقتاسا دا, ءبىزدىڭ كوماندا مۇشەلەرى جالپى ەسەپتە ءبىرىنشى ورىن يەلەندى. «Astana Pro Team» جارىس باستالعان ساتتە-اق تىزگىندى قولعا العان بولاتىن. Jumbo – Visma كومانداسى ەكىنشى, Androni Giocattoli – Sidermec ۇجىمى ءۇشىنشى ورىننان كورىنگەن.
ايتا كەتەلىك, ۆەلوسپورتتان ەل چەمپيونى الەكسەي لۋتسەنكو ۆيرتۋالدى ءتۋرنيردىڭ ءبىرىنشى كەزەڭىندە جەڭىسكە جەتتى. ال التىنشى كەزەڭ قورىتىندىسى بويىنشا تاعى ءبىر كوماندا مۇشەسى ياكوب فۋلسانگ كوش باستادى.