جوعارى حوككەي ليگاسىنىڭ (جحل) ەڭ ۇزدىك قاقپاشىسى ەدۋارد رەيزۆيح قاراعاندىنىڭ «سارىارقاسىمەن» قوش ايتىسىپ, نوۆوكۋزنەتسكىنىڭ «مەتاللۋرگىنە» اۋىستى.
29 جاستاعى ومبى قالاسىنىڭ تۋماسى «اۆانگارد», «ەرماك», «كۋبان», «نەفتيانيك» جانە «سيبير» كلۋبتارىندا ونەر كورسەتتى. 2015-2016 جانە 2018-2019 جىلدارى «سارىارقانىڭ» جەيدەسىن كيدى. بىلتىر رەيزۆيح قاراعاندىلىق كوماندامەن بىرگە پەتروۆ كۋبوگىن ولجالادى. ايتۋلى جارىستىڭ ەڭ ۇزدىك قاقپاشىسى اتاعى دا ءدال سول حوككەيشىگە بۇيىردى. ودان بولەك, ول رەسەي قۇراماسى ساپىندا 2008 جىلى جاستار اراسىنداعى الەم بىرىنشىلىگىنىڭ كۇمىس مەدالىن يەلەندى.
بيىلعى ماۋسىمدا ەدۋارد رەيزۆيح جحل-دىڭ تۇراقتى بىرىنشىلىگى بارىسىندا 51 رەت مۇز ايدىنىنا شىعىپ, قاقپاعا باعىتتالعان شايبالاردىڭ 93,0 پايىزىن كەرى قايتاردى.