فۋتبولدان ۋەلس ۇلتتىق قۇراماسىنىڭ جۇلدىزى گارەت بەيل بيىل ءمادريدتىڭ «رەالىنان» كەتۋى مۇمكىن.
كەزىندە انگليا پرەمەر-ليگاسىندا «توتتەنحەمنىڭ» ساپىندا جاسىنداي جارقىراعان بەيل 2013 جىلى «رەالدىڭ» جەيدەسىن كيگەن ەدى. ول كەزدەگى جارتىلاي قورعاۋشىنىڭ ترانسفەرلىك قۇنى 100 ميلليون ەۆرونى قۇرادى. بۇل – رەكوردتىق كورسەتكىش ەدى! الايدا العاشىندا ءتاۋىر ويناعان گارەت سوڭعى ۋاقىتتا ايشىقتى ونەرىمەن كوزگە تۇسپەي ءجۇر. ماسەلەن, بيىلعى ماۋسىمدا 17 رەت جاسىل الاڭعا شىققان ول نەبارى ەكى گول سوعىپ, ەكى رەت قانا ناتيجەلى پاس بەردى. ارينە, بۇل جاعداي كورولدىك كلۋب باسشىلارى مەن باپكەرلەرىن قاناعاتتاندىرماعانى انىق. ەندى ولار بەيلدى ساتۋعا دايىن.
قازىرگى كەزدە 30 جاستاعى فۋتبولشىعا «نيۋكاسل» كوز تىگىپ وتىرعان كورىنەدى. ەگەر قوس تاراپ ورتاق مامىلەگە كەلسە, وندا گارەت بەيل قايتا انگلياعا ورالۋى مۇمكىن.