كوروناۆيرۋسقا بايلانىستى 19 ناۋرىزدا توقتاتىلعان تۇركيا چەمپيوناتى 12 ماۋسىمدا جالعاسادى. بۇل جايىندا اتالمىش مەملەكەتتىڭ فۋتبول فەدەراتسياسى مالىمدەدى.
سول كەزگە دەيىنگى ناتيجەلەرگە زەر سالساق, ازىرگە قوس كوماندا كوش باسىندا وزگەڭگى قاعىستىرىپ كەلەدى. ولار – «ترابزونسپور» مەن «باشاكشەحير. ەكەۋىنىڭ دە قورجىنىندا 53 ۇپايدان بار. ءۇشىنشى ورىنداعى «گالاتاسارايدىڭ» جوعارىدا اتالعان كلۋبتاردان ءۇش ۇپايى كەم. ءتورتىنشى جانە بەسىنشى ساتىلارعا «سيۆاسسپور»مەن «بەشيكتاش» جايعاستى. ءبىرى – 49 ۇپايدى, ەكىنشىسى – 44 ۇپايدى ەنشىلەپ وتىر.
سونىمەن قاتار ۇستىمىزدەگى جىلدىڭ 27 ماۋسىمىندا ىستامبۇلداعى اتاتۇرىك اتىنداعى ستاديوندا ۋەفا چەمپيوندار ليگاسىنىڭ فينالدىق سايىسى وتۋگە ءتيىس ەدى. الايدا بۇل ماتچ پاندەمياعا بايلانىستى كەيىنگە شەگەرىلدى.