فيردوۋسي اۋىلىنداعى فەرما اۋماعىنان شىعا الماي, سۋدىڭ بەل ورتاسىندا قالعان تۇرعىندار ءتارتىپ ساقشىلارىنا حابارلاسىپ, كومەك سۇراپتى. وسى ايماققا بەكىتىلگەن ۋچاسكەلىك پوليتسيا ينسپەكتورى جەدەل قيمىلداپ, ەرىكتىلەرمەن بىرگە وقيعا ورنىنا قايىقپەن جەتكەن.
ولار جان-جاقتى مۇقيات قاراپ شىعىپ, ىزدەۋ جۇمىستارىن جۇرگىزگەن. ناتيجەسىندە, سۋدىڭ ورتاسىنان ەكى جاس جىگىتتى كورىپ, ولاردى قاۋىپسىز ايماققا جەتكىزگەن.
ايتا كەتەرلىگى, اۋىل تۇرعىندارى جىلقىلارىن ىزدەپ شىعىپ, ەلدى مەكەندى تۇگەل سۋ شايىپ كەتكەندىكتەن, كەرى قايتا الماي قالعان ەكەن.
«دۇنيە-م ۇلىك ءۇشىن مۇنداي ارەكەتكە بارۋدىڭ قاجەتى جوق. باستىسى – سىزدەردىڭ اماندىقتارىڭىز. سۋ باسقان ۇيلەرىڭىزگە, قورا-جايلارىڭىزعا كىرەمىز دەپ, ومىرلەرىڭىزدى قاتەرگە تىكپەڭىزدەر. بۇل اۋىلدارعا مۇلدەم كىرۋگە بولمايدى», دەپ پوليتسيا ينسپەكتورلارى تۇرعىنداردى سابىرعا شاقىرىپ, تۇسىندىرمە جۇمىستارىن جۇرگىزدى.