فۋتزالدان بيىلعى جىلعى قازاقستان چەمپيوناتىن 25 مامىردا جالعاستىرۋ جوسپارلانىپ وتىر.
وسى ماسەلەنى وڭتايلى شەشۋ ماقساتىندا قازىرگى كەزدە قازاقستان فۋتبول فەدەراتسياسى مەن كلۋبتار اراسىندا كەلىسسوزدەر جۇرگىزىلۋدە. سەبەبى, ءتۇرلى كوماندالاردا ونەر كورسەتىپ جۇرگەن كوپتەگەن ويىنشىلارمەن بيىلعى جىلدىڭ جازىندا كەلىسىمشارتتار اياقتالادى. سول مەرزىمگە دەيىن جوعارىدا ايتىلعان ماسەلەنى شەشىمىن تابۋعا ءتيىس. سوندىقتان دا ەل بىرىنشىلىگىن 25 مامىردان باستاپ, قايتا جالعاستىرۋ كوزدەلۋدە. قالعان ويىنداردىڭ بارلىعى دا ششۋچينسكەگى «جاقسى» سپورت كەشەنىندە وتەدى.
كوروناۆيرۋسكە بايلانىستى كارانتين باستالعانعا دەيىن «قايرات» الدىنا جان سالعان جوق. الماتىلىق ۇجىم 16 كەزدەسۋدەن كەيىن 44 ۇپاي ولجالادى. ەكىنشى ورىندا كەلە جاتقان «اقتوبە» 36 ۇپايدى ەنشىلەپ وتىر. الايدا ولاردىڭ «قايراتتان» ءتورت كەزدەسۋى ارتىق.