كەڭەستى قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ اشىپ, جۇرگىزىپ وتىردى. كۇن تارتىبىندە قارالعان ماسەلە «قازاقستان-2050» ستراتەگياسى, قحا-نىڭ 2020 جىلعا دەيىنگى دامۋ تۇجىرىمداماسى, حح سەسسيا اياسىنداعى عىلىمي-ساراپشىلىق كەڭەسى جانە ونىڭ جاڭا مىندەتتەرى» دەپ اتالدى.
كۇن ءتارتىبى بويىنشا العاشقى ءسوزدى مەملەكەتتىك حاتشى مارات ءتاجين ايتتى. ول ءوزىنىڭ سوزىندە ەلباسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا قحا-نىڭ 2020 جىلعا دەيىنگى دامۋ تۇجىرىمداماسىنا جۇكتەلەتىن مىندەتتەر مەن مەملەكەتتىك ەتنوساياساتتى عىلىمي-ساراپشىلىق سۇيەمەلدەۋ جۇمىستارى ايقىندالعانىن اتاپ كورسەتتى.
كەڭەستى قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ اشىپ, جۇرگىزىپ وتىردى. كۇن تارتىبىندە قارالعان ماسەلە «قازاقستان-2050» ستراتەگياسى, قحا-نىڭ 2020 جىلعا دەيىنگى دامۋ تۇجىرىمداماسى, حح سەسسيا اياسىنداعى عىلىمي-ساراپشىلىق كەڭەسى جانە ونىڭ جاڭا مىندەتتەرى» دەپ اتالدى.
كۇن ءتارتىبى بويىنشا العاشقى ءسوزدى مەملەكەتتىك حاتشى مارات ءتاجين ايتتى. ول ءوزىنىڭ سوزىندە ەلباسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىندا قحا-نىڭ 2020 جىلعا دەيىنگى دامۋ تۇجىرىمداماسىنا جۇكتەلەتىن مىندەتتەر مەن مەملەكەتتىك ەتنوساياساتتى عىلىمي-ساراپشىلىق سۇيەمەلدەۋ جۇمىستارى ايقىندالعانىن اتاپ كورسەتتى.
سونىڭ ىشىندە كوپتەگەن الەۋمەتتىك فاكتورلاردىڭ حالىقتىڭ ساناسىنا جاسايتىن ءتۇرلى اسەرىنە توقتالدى. اسىرەسە, ءدىني فاكتوردىڭ اسەرى تۋرالى ايتا كەلىپ: «ەتنوسارالىق جانە كونفەسسياارالىق قاتىناستار ءبىر-بىرىمەن تىعىز بايلانىستى عانا ەمەس, سونىمەن قاتار, دىنشىلدىكتىڭ وسە ءتۇسۋى ەتنوستار مەن ىشكى ساياسي احۋالعا دا قاتتى اسەر ەتەتىنىن ەستەن شىعارماۋ كەرەك», دەدى ول. م.ءتاجيننىڭ ايتۋىنشا, بۇل ىستەرمەن بىزدە تىكەلەي ەشكىم دە اينالىسپايدى ەكەن. تەك سوتسيولوگيالىق زەرتتەۋلەرمەن عانا شەكتەلىپ ءجۇر ەكەنبىز. سوندىقتان ەتنوسارالىق جانە دىنارالىق قاتىناستاردىڭ ءوزارا قارىم-قاتىناسىن زەرتتەۋ, ءتۇسىنۋ بۇگىنگى كۇنى ساراپشىلىق كەڭەسىنىڭ الدىندا تۇرعان ماڭىزدى مىندەتتەردىڭ ءبىرى, دەدى مەملەكەتتىك حاتشى. سونىمەن بىرگە, ەتنوستاردىڭ دامۋ بارىسى تۋرالى عىلىمي ادەبيەتتەردىڭ تاپشى ەكەندىگىن دە تىلگە تيەك ەتتى.
مەملەكەتتىك حاتشىنىڭ نازار اۋدارۋدى تالاپ ەتكەن باعىتتارىنىڭ ءبىرى ىشكى ميگراتسياعا قاتىستى بولدى. ول قالاعا كوشىپ كەلگەن اۋىل تۇرعىندارىنىڭ شاھار ومىرىنە بەيىمدەلۋىن قاداعالاۋ دا ماڭىزدى ماسەلەلەردىڭ ءبىرى ەكەنىن اتاپ ءوتتى. كوشى-قون ماسەلەسى, اسىرەسە, ەتنوستىق ميگرانتتاردىڭ بولجالدى ستراتەگياسىن بۇگىننەن قالماي ءتۇسىنۋىمىز كەرەك. ويتكەنى, ىشكى كوشى-قون ماسەلەسى ەتنوساياساتقا تىكەلەي قاتىستى ەكەنىن ۇمىتپايىق. ءبىز عانا ەمەس, ۋربانيزاتسيا كەزەڭىن باستان كەشىرىپ وتىرعان بارلىق پوليەتنوستى مەملەكەتتەر اۋىل تۇرعىندارىن قالا ومىرىنە بەيىمدەۋ پروبلەماسىمەن ۇشىراسقان جانە ۇشىراسىپ وتىر. سوندىقتان ولاردىڭ تاجىريبەسىن ۇيرەنۋ – ءبىزدىڭ مىندەت. سول ەلدەردىڭ كوبى بۇل ۇدەرىستەن 70-90-جىلدارى ءوتىپ كەتتى, ال ءبىز ءالى دە باستان كەشۋدەمىز, دەدى م.ءتاجين.
مەملەكەتتىك حاتشىنىڭ كوڭىل اۋدارعان ماسەلەلەرىنىڭ ءبىرى قوعامنىڭ پوليەتنوستىعى بولدى. بۇل –مەملەكەتتىك ساياساتتىڭ اسا ۇلكەن جاۋاپكەرشىلىكپەن قارايتىن ايماعىنا جاتاتىن ماسەلە, دەدى ول وسى ورايدا. پوليەتنوستىق – الەم مەملەكەتتەرىنىڭ كوبىنە ءتان قۇبىلىس. اسىرەسە, جاپونيادان باسقا دامىعان ەلدەردىڭ بارىندە سولاي. وسىناۋ الەۋمەتتىك فەنومەن ادامزات قارىم-قاتىناسىنىڭ بارلىق سالاسىنا بويلاپ ەنگەن. سوندىقتان ىشكى ساياسات ونىڭ ماڭىزدى فاكتور ەكەنىن ەستەن شىعارماۋى كەرەك. بۇل – مەملەكەتتىك ساياساتتىڭ وتكىر ماسەلەلەرىنىڭ ءبىرى.
وتىرىس بارىسىندا مەملەكەتتىك ورگاندار مەن قحا-نىڭ عىلىمي-ساراپشىلىق كەڭەسىنىڭ «قازاقستان-2050» ستراتەگياسى, قحا-نىڭ 2020 جىلعا دەيىنگى دامۋ تۇجىرىمداماسى جانە قحا-نىڭ حح سەسسياسىنىڭ مىندەتتەرى اياسىنداعى ەتنوساياساتتى عىلىمي-تالداۋدى قامتاماسىز ەتۋ; ۇلتتىق تاريحتى زەرتتەۋ جونىندەگى مىندەتتەر; ءتىل ساياساتى جانە ت.ب. ماسەلەلەر تالقىلاندى.
كەڭەس جۇمىسىنا پرەزيدەنت اكىمشىلىگىنىڭ باسشىلىعى, پارلامەنت دەپۋتاتتارى, مەملەكەتتىك ورگاندار وكىلدەرى, عىلىمي-ساراپشىلىق كەڭەستىڭ جانە وبلىستارداعى عىلىمي-ساراپشىلىق توپتاردىڭ مۇشەلەرى, عىلىمي جانە شىعارماشىلىق ينتەلليگەنتسيا مەن باق وكىلدەرى قاتىستى.
وسى وتىرىستىڭ جۇمىسى تۇستەن كەيىن ل.ن.گۋ