شايبالى حوككەيدەن قۇرلىقتىق حوككەي ليگاسىندا (قحل) ونەر كورسەتەتىن ەلوردانىڭ «بارىس» حوككەي كلۋبى وتكەن ماۋسىمدا كوماندانى ورگە سۇيرەگەن نەگىزگى ءۇش ويىنشىسىمەن قوشتاستى.
اتاپ ايتار بولساق, قاقپاشى ەددي پاسكۋالە, شابۋىلشى كوربان نايت جانە قورعاۋشى اتتە وحتاماا كەلەسى ماۋسىمدا قحل-ءدىڭ وزگە كوماندالارىندا باق سىنايدى. ءۇش حوككەيشى دە «بارىس» ساپىنا 2019 جىلى قوسىلعان. نايت بىلتىر «بارىس» ساپىندا 65 رەت مۇزايدىنعا شىعىپ, 20 شايبا سوققان. سونداي-اق 22 ناتيجەلى پاس اسىرعان. ال وحتاماا 41 ماتچ وتكىزىپ, 7 رەت مەرگەندىگىمەن كوزگە تۇسكەن. 16 رەت ارىپتەستەرىنە ناتيجەلى پاس اسىرعان.
ايتا كەتەيىك, الداعى ۋاقىتتا ەددي پاسكۋالە مەن اتتە وحتاماا «لوكوموتيۆ» (ياروسلاۆل), كوربان نايت «اۆانگارد» (ومسك) كلۋبىندا وينايدى. ال «بارىستىڭ» ەكس-باس باپكەرى اندرەي سكابەلكا كەلەسى ماۋسىمدا «لوكوموتيۆتى» جاتتىقتىراتىنى بەلگىلى بولدى.