اقمولا وبلىسىنىڭ ورتالىعى – كوكشەتاۋ قالاسىندا جاڭا بوسانعان قانىپەزەر انا ءسابيىن پوليەتيلەن پاكەتىنە سالىپ, باقشا ىشىنە تاستاپ كەتكەن. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى.
قانىپەزەر انا بويىنان قان كەتۋى سەبەپتى امالسىزدان دارىگەرلەرگە كورىنگەن كەزىندە, اۋرۋحانا قىزمەتكەرلەرى ونىڭ بالا تۋعانىن بىلەدى. ىلە بۇل مالىمەتتەن جەرگىلىكتى پوليتسيا ءبولىمى دە حاباردار بولىپ, بەزبۇيرەك انانىڭ ءوز ءسابيىن تاستاپ كەتكەنىن انىقتادى. قازىر وسى وقيعاعا بايلانىستى تەرگەۋ امالدارى جۇرگىزىلۋدە. انالاردىڭ وسىنداي ارەكەتكە بارۋى ەش اقتاۋعا جاتپايتىن ارەكەت. وكىنىشكە قاراي, سابيلەردى اياۋسىز ولتىرۋشىلەر سانى ازايماي تۇر.
دانيار تۇيمەباي.