قازاقستان وپەك + كەلىسىمى بويىنشا مۇناي ءوندىرۋدى ازايتا باستايدى. ەكى ايدىڭ ىشىندە مۇناي ءوندىرىسىن تاۋلىگىنە 9,7 ميلليون باررەلگە قىسقارتۋدى كوزدەيتىن وپەك + كەلىسىمى بويىنشا, قازاقستان ءوندىرىستى تاۋلىگىنە 390 مىڭ باررەلگە ازايتۋعا مىندەتتەمە الدى. بۇل تۋرالى ەنەرگەتيكا مينيسترلىگىنىڭ ءباسپاسوز قىزمەتى حابارلادى.
الەمدە جانە قازاقستاندا مۇنايعا سۇرانىستىڭ تومەندەۋى اياسىندا مۇناي قورلارىنىڭ ايتارلىقتاي ارتۋىنا بايلانىستى وسى جىلدىڭ ەكىنشى توقسانىندا مۇناي ساقتاۋ قويمالارىنىڭ تولىپ كەتۋ قاۋپى بار.
وسىعان بايلانىستى مينيسترلىك «بارلاۋ جانە ءوندىرۋ جانە كومىرسۋتەگى شيكىزاتىن ءوندىرۋ ءۇشىن جەر قويناۋى ۋچاسكەلەرىن پايدالانۋعا ۋاقىتشا شەكتەۋلەر ەنگىزۋ تۋرالى» قاۋلىسىنىڭ جوباسىن ازىرلەدى. ءوندىرىستى شەكتەۋ ورتاشا, ءىرى جانە الىپ كەن ورىندارى ساناتىنا جاتاتىن كەن ورىندارىنا قولدانىلادى.
«جەر قويناۋى رەسۋرستارىنىڭ تىزىمىنە ەكونوميكالىق فاكتورلاردىڭ اسەرىنەن ءوندىرىستىڭ تابيعي تومەندەۋى كۇتىلەتىن ۇساق جانە كىشى كەن ورىندارى ەنگەن جوق» دەيدى قاۋلى ماتىنىندە.
بۇل قاۋلى بارلىق ءوندىرۋشى كومپانيالارعا قازاقستان رەسپۋبليكاسىنىڭ ىشكى نارىعىنىڭ مۇناي ونىمدەرىنىڭ قاجەتتى كولەمىنە قاجەتتىلىگىن ەسكەرە وتىرىپ, ءوندىرىستىڭ تابيعي قۇلدىراۋ كەزەڭىندە مۇناي ءوندىرۋدى ازايتۋ بويىنشا مىندەتتەمەلەردى ءادىل ءبولۋدى قامتاماسىز ەتەدى.