«CDC (اقش-تىڭ اۋرۋلاردى باقىلاۋ جانە الدىن الۋ ورتالىقتارى) اگەنتتىگى قازاقستان ۇكىمەتىنە ورتالىق ازيا ەلدەرىنە 6,8 ميلليون دوللار كولەمىندە جان-جاقتى كومەك كورسەتۋ اياسىندا COVID-19 ورشۋىنە قارسى كۇرەسكە قازاقستان ۇكىمەتىنە 1,68 ميلليون دوللار بولەدى», دەپ حابارلادى اقش ەلشىلىگى.
جەرگىلىكتى ۇكىمەتتەرمەن بىرلەسە وتىرىپ, CDC Central Asia بۇل قاراجاتتى پاندەميا كەزىندەگى قاجەتتىلىكتەردى قاناعاتتاندىرۋ ءۇشىن پايدالانادى. ولارعا: COVID-19 تەستىلەۋ ءۇشىن زەرتحانالىق جابدىقتار مەن قۇرال-جابدىقتار ساتىپ الۋ, مەديتسينالىق قىزمەتكەرلەر ءۇشىن ترەنينگتەر ۇيىمداستىرۋ, شەكارادا ساۋىقتىرۋ شارالارىن وتكىزۋگە تەحنيكالىق كومەك كورسەتۋ, سونداي-اق كلينيكالىق حاتتامالاردى ازىرلەۋگە جانە ەنگىزۋگە كومەك.
ء«بىز قاڭتار ايىنان باستاپ ورتالىق ازياداعى COVID-19 جاعدايىن مۇقيات قاداعالاپ وتىرمىز جانە ايماقتىڭ بارلىق ۇكىمەتتەرىنە ىندەتكە قارسى ارەكەت ەتۋ ءۇشىن تەحنيكالىق كومەك ۇسىنامىز», دەيدى ورتالىق ازيا بويىنشا CDC ديرەكتورى دوكتور دەنيەل سينگەر.
CDC Central Asia ورتالىق ازيانىڭ دەنساۋلىق ساقتاۋ مينيسترلىگىنە ەپيدەميانىڭ العاشقى كۇندەرىنەن باستاپ ترەنينگتەر ۇيىمداستىرىپ, توتەنشە جاعدايلار كەزىندە تەحنيكالىق كومەك كورسەتۋ, زەرتحانالاردا جۇمىس ىستەۋ, جۇقپالى اۋرۋلاردىڭ الدىن الۋ جانە باقىلاۋ, شەكارا وتكىزۋ پۋنكتتەرىندە تەكسەرۋ جانە اقپاراتتاندىرۋ ارقىلى قولداۋ كورسەتەدى. سونىمەن قاتار, CDC تاراتۋ ءۇشىن جەتەكشى حالىقارالىق دەنساۋلىق ساقتاۋ ۇيىمدارى شىعارعان تەحنيكالىق وقۋلىقتاردى ورىس تىلىنە اۋدارادى.
اقش-تىڭ قازاقستانداعى ەلشىسى ۋيليام موزەر بۇل قوسىمشا قارجىلاندىرۋ ءبىزدىڭ قازاقستانعا COVID-19-نىڭ تارالۋىنا قارسى تۇرۋ باعىتىن ۇستاناتىندىعىمىزدى كورسەتەتىن ايتتى. «CDC مەن قازاقستان اراسىندا سوڭعى 25 جىل ىشىندە قالىپتاسقان دەنساۋلىق ساقتاۋ سالاسىنداعى سەرىكتەستىك. ءبىز كوروناۆيرۋستى جەڭەمىز», - دەيدى ۋيليام موزەر.
CDC ورتالىق ازيا ەلدەرىنىڭ ۇكىمەتتەرىمەن دەنساۋلىق ساقتاۋ ماسەلەلەرى بويىنشا ۇزاق ۋاقىتتان بەرى جۇمىس ىستەيدى. العاشقى CDC فيليالى 1995 جىلى الماتىدا اشىلعان, بۇگىندە ورتالىقتىڭ قازاقستان, قىرعىزستان, وزبەكستان جانە تاجىكستاندا كەڭسەلەرى بار. CDC دەنساۋلىق ساقتاۋدىڭ بارلىق مينيسترلىكتەرىمەن جەرگىلىكتى زەرتحانالاردىڭ, قاداعالاۋدىڭ جانە ادامي رەسۋرستاردىڭ الەۋەتىن كۇشەيتۋ ءۇشىن جۇمىس ىستەيدى, بۇل ەلدەردە اۋرۋدىڭ الدىن-الۋعا جانە وعان ءتيىمدى اسەر ەتۋگە مۇمكىندىك بەرەدى. ناۋرىزدا اقش ۇكىمەتى قازاقستانعا كوروناۆيرۋستىق ينفەكتسيامەن كۇرەس الەۋەتىن كۇشەيتۋ ءۇشىن 890 مىڭ دوللار بولۋگە دايىن ەكەندىگى تۋرالى حابارلاعان بولاتىن.