قول كۇرەسىنەن پولشانىڭ گدىنيا قالاسىندا وتكەن الەم چەمپيوناتى قازاقستاندىق سپورتشىلار ءۇشىن تابىستى بولدى. جەر ءجۇزىنىڭ 46 مەملەكەتىنەن 1000-نان اسا سپورتشى قاتىسقان بۇل ءدۇبىرلى دودادا جەرلەستەرىمىز 7 التىن, 4 كۇمىس, 7 قولا مەدال يەلەنىپ, كوماندالىق ەسەپتە رەسەيدەن كەيىنگى ەكىنشى ورىندى جەڭىپ الدى. ال ءۇشىنشى تۇعىرعا ۋكراينا سپورتشىلارى تابان تىرەدى.
قول كۇرەسىنەن پولشانىڭ گدىنيا قالاسىندا وتكەن الەم چەمپيوناتى قازاقستاندىق سپورتشىلار ءۇشىن تابىستى بولدى. جەر ءجۇزىنىڭ 46 مەملەكەتىنەن 1000-نان اسا سپورتشى قاتىسقان بۇل ءدۇبىرلى دودادا جەرلەستەرىمىز 7 التىن, 4 كۇمىس, 7 قولا مەدال يەلەنىپ, كوماندالىق ەسەپتە رەسەيدەن كەيىنگى ەكىنشى ورىندى جەڭىپ الدى. ال ءۇشىنشى تۇعىرعا ۋكراينا سپورتشىلارى تابان تىرەدى.
«ەرلەر مەن قىزدار اراسىندا وتكەن بايراقتى باسەكەدە سپورتشىلارىمىزدىڭ بارىن سالىپ ونەر كورسەتۋىنىڭ ارقاسىندا وسىنداي تابىسقا جەتتىك. ەلىمىزدەن بۇل سىنعا جالپى سانى 40 سپورتشى قاتىستى. ولاردىڭ بارلىعى دا سايدىڭ تاسىنداي ىرىكتەلگەن ساڭلاقتار. ءبىز مۇنىمەن عانا شەكتەلمەي, الداعى ۋاقىتتا دا جاتتىعۋلارىمىزدى جالعاستىرىپ, ەڭ ۇزدىك ءناتيجەگە قول جەتكىزەمىز دەگەن نيەتتەمىز. الەمدىك ءدۇبىرلى سىنداردا ەلىمىزدىڭ كوك تۋىن جەلبىرەتىپ, ءانۇرانىن شىرقاتۋدا سپورتشىلارىمىز ايانىپ قالمايدى دەپ سەنەمىن», – دەيدى قول كۇرەسى فەدەراتسياسىنىڭ پرەزيدەنتى مارات اساينوۆ.
ءابدىراحمان قىدىربەك,
«ەگەمەن قازاقستان».
استانا.