استانادا قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆتىڭ پاكستان يسلام رەسپۋبليكاسى قۇرلىق اسكەرلەرىنىڭ باس قولباسشىسى, گەنەرال اشفاك كايانيمەن كەزدەسۋى ءوتتى.
– پاكستان وڭتۇستىك ازيا ايماعىنداعى قازاقستاننىڭ نەگىزگى سەرىكتەستەرىنىڭ ءبىرى بولىپ تابىلادى جانە ءبىزدىڭ ەل دە كەلەشەكتە ەكىجاقتى قارىم-قاتىناستىڭ نىعايا تۇسۋىنە ءمۇددەلى.
استانادا قازاقستان رەسپۋبليكاسىنىڭ قورعانىس ءمينيسترى ادىلبەك جاقسىبەكوۆتىڭ پاكستان يسلام رەسپۋبليكاسى قۇرلىق اسكەرلەرىنىڭ باس قولباسشىسى, گەنەرال اشفاك كايانيمەن كەزدەسۋى ءوتتى.
– پاكستان وڭتۇستىك ازيا ايماعىنداعى قازاقستاننىڭ نەگىزگى سەرىكتەستەرىنىڭ ءبىرى بولىپ تابىلادى جانە ءبىزدىڭ ەل دە كەلەشەكتە ەكىجاقتى قارىم-قاتىناستىڭ نىعايا تۇسۋىنە ءمۇددەلى.قازاقستان پرەزيدەنتى – قازاقستان قارۋلى كۇشتەرىنىڭ جوعارعى باس قولباسشىسى نۇرسۇلتان نازارباەۆ ءبىزدىڭ مەملەكەتتەرىمىزدىڭ اراسىنداعى بايلانىستار دوستىق پەن ءوزارا ءتۇسىنىستىككە, ىنتىماقتاستىققا نەگىزدەلگەندىگىنە ارقاشان سەنىم بىلدىرەدى. ەكى ەل قارۋلى كۇشتەرىنىڭ اراسىنداعى تاجىريبە الماسۋ اسكەري ىنتىماقتاستىقتاعى باسىم باعىتتاردىڭ ءبىرى, – دەپ اتاپ ءوتتى قازاقستان قورعانىس ۆەدومستۆوسىنىڭ باسشىسى ا.كايانيمەن ەكىجاقتى كەزدەسۋ كەزىندە.
ءوز كەزەگىندە گەنەرال ا.كاياني پاكستان ارمياسىنىڭ تەرروريستىك قاۋىپ-قاتەرگە قارسى مول ءتاجىريبەسى جيناقتاعانىن, بۇگىندە پاكستان بۇۇ-نىڭ بىتىمگەرلىك ميسسياسىندا ءىرى اسكەري كونتينگەنتى بارلىعىن جانە وسى باعىتتا ءوزىنىڭ تاجىريبەسىمەن بولىسۋگە دايار ەكەندىگىن ايتتى.
تاراپتار وڭىرلىك قاۋىپسىزدىك ماسەلەلەرىن جانە 2014 جىلى اقش پەن ناتو اسكەرلەرىن شىعارعاننان كەيىنگى اۋعانستانداعى جاعداي بارىسىن تالقىلادى.
– قازاقستان اۋعانستانداعى قارسى جاقتاردىڭ ىمىرالاسۋىنا جانە ەكىجاقتى بايلانىستاردىڭ بەيبىت جولمەن دامۋىنا مۇددەلى. ءبىز پاكستاندى اۋعان ماسەلەسىن رەتتەۋگە قاتىسۋشىلاردىڭ ءبىرى رەتىندە قاراستىرامىز, – دەپ اتاپ ءوتتى قازاقستان قورعانىس مينيسترلىگىنىڭ باسشىسى.
ءا.جاقسىبەكوۆ ا.كايانيدى قازاقستان قورعانىس-ونەركاسىپ كەشەنىنىڭ دامۋ بارىسىمەن تانىستىردى جانە پاكستاندىق كومپانيالاردى حالىقارالىق قارۋ-جاراق, اسكەري تەحنيكا جانە اسكەري تەحنيكالىق م ۇلىك «KADEX-2014» كورمەسىنە قاتىسۋعا شاقىردى. ءوز كەزەگىندە گەنەرال قازاقستاندىق قورعانىس-ونەركاسىپتىك كەشەننىڭ كاسىپورىندارىمەن ىنتىماقتاستىققا قىزىعۋشىلىق تانىتتى.
كەزدەسۋ سوڭىندا ءا.جاقسىبەكوۆ قازاقستان-پاكستان اسكەري ىنتىماقتاستىعى ۇزاق مەرزىمدى پەرسپەكتيۆاعا يە بولاتىنىنا جانە ايتارلىقتاي دارەجەدە ەكى ەلدىڭ قاۋىپسىزدىگىن نىعايتۋعا ىقپال ەتەتىنىنە سەنىم ءبىلدىردى.
«ەگەمەن-اقپارات».