سالىق كوميتەتى 2012 جىلى قارجى پوليتسياسىنا 350 زاڭدى تۇلعانىڭ زاڭسىز كاسىپكەرلىگى تۋرالى مالىمەت بەرگەن. ال, 2013 جىلى قارجى پوليتسياسىنا 316 سالىق تولەۋشى تۋرالى مالىمەت بەرىلدى. سالىق بويىنشا بەرەشەك 125 ملرد.تەڭگە, دەپ حابارلادى سالىق كوميتەتىنىڭ توراعاسى ءانۋار جۇمادىلداەۆ.
سالىق كوميتەتى 2012 جىلى قارجى پوليتسياسىنا 350 زاڭدى تۇلعانىڭ زاڭسىز كاسىپكەرلىگى تۋرالى مالىمەت بەرگەن. ال, 2013 جىلى قارجى پوليتسياسىنا 316 سالىق تولەۋشى تۋرالى مالىمەت بەرىلدى. سالىق بويىنشا بەرەشەك 125 ملرد.تەڭگە, دەپ حابارلادى سالىق كوميتەتىنىڭ توراعاسى ءانۋار جۇمادىلداەۆ. پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا قارجى مينيسترلىگى سالىق كوميتەتىنىڭ توراعاسى ءانۋار جۇمادىلداەۆ بولاشاقتا دا سالىق كوميتەتىنىڭ قارجى پوليتسياسى ورگاندارىمەن ءوزارا ءىس-قيمىل فورماتى كەڭەيتىلە تۇسپەك دەپ اتاپ ءوتتى. بۇل جۇمىستىڭ بارلىعى مەملەكەت مۇددەسىن قولداۋ جولىنداعى اتقارىلىپ جاتقان جۇمىستار ەكەنىن ەسكە سالامىن, دەدى باس سالىقشى.
ونىڭ ايتۋىنشا, «2013 جىلدىڭ ءبىرىنشى جارتىجىلدىعىندا جالپى سوماسى 125,1 ملرد. تەڭگە كولەمىندە 316 سالىق تولەۋشىگە قاتىستى سالىقتىق تەكسەرۋلەردىڭ ناتيجەلەرى بويىنشا ماتەريالدار بەرىلگەن. ونىڭ ىشىندە 104 سالىق تولەۋشىگە قاتىستى قىلمىستىق ءىس قوزعالىپ, 22,6 ملرد. تەڭگە ءوندىرىلىپ الىنعان».
بيۋدجەتكە كەلتىرىلگەن زالال كورسەتكىشى 2012 جىلداعى كورسەتكىشتەردەن الدەقايدا جوعارى بولىپ وتىر ەكەن. ماسەلەن, 2012 جىلى جالپى سوماسى 129,7 ملرد. تەڭگەگە سالىقتىق تەكسەرۋ ناتيجەلەرى بويىنشا قىلمىستىق بەلگىلەرى بار 639 ماتەريال بەرىلىپتى. ونىڭ ىشىندە 139 زاڭدى تۇلعاعا قاتىستى قىلمىستىق ءىس قوزعالىپ, 9,3 ملرد. تەڭگە ءوندىرىلىپ الىنعان.
«ەگەمەن-اقپارات».