نۇر-سۇلتان قالاسىنان شىعاتىن اۆياجولاۋشىلار COVID-19 كوروناۆيرۋستىق ينفەكتسياسىنا تەرىس ناتيجەلى پتر-تەستىنەن (پوليمەرازدى تىزبەكتى رەاكتسيا) وتكەنى تۋرالى انىقتامانى وزىمەن بىرگە الىپ جۇرۋگە مىندەتتى, دەپ حابارلايدى ەلوردا اكىمدىگىنىڭ رەسمي سايتى.
«بۇل انىقتاما جەتى كۇنگە بەرىلەدى. مەرزىم وتكەننەن كەيىن پتر-تەستىلەۋدەن قايتا ءوتىپ, جاڭا انىقتاما الۋ قاجەت. زەرتحانالارداعى بارلىق زەرتتەۋلەر ازاماتتاردىڭ ءوز قاراجاتى ەسەبىنەن اقىلى نەگىزدە جۇرگىزىلەدى», – دەپ حابارلادى ەلوردانىڭ قوعامدىق دەنساۋلىق ساقتاۋ باسقارماسى.
نۇر-سۇلتاندا تەستىلەۋدەن ءوتۋ ءۇشىن زەرتحانالار مەكەن-جايلارى مەن تەلەفوندارى:
نۇر-سۇلتانداعى «وليمپ» كدل: رەسپۋبليكا داڭعىلى, 2/1; گەتە كوشەسى, 3; ب. مومىش ۇلى داڭعىلى, 16; ابىلايحان داڭعىلى, 12/1; ە-10 كوشەسى, 2 ءۇي; مانكەنت تۇيىعى, 2 ء(موبيلدى پۋنكت). تەستتەر تەك 8 701 961 70 08 (WhatsApp ماتىندىك سمس) تەلەفونىنا الدىن الا جازىلۋ ارقىلى جۇرگىزىلەدى (http://covid.kdlolymp.kz); «ۇلتتىق ساراپتاما ورتالىعى» شجق رمك نۇر-سۇلتان قالاسى بويىنشا فيليالى: جەلتوقسان كوشەسى, 46, تەل. 8 (7172) 31-54-09, 8 (7172) 59-00-77.كوروناۆيرۋس ينفەكتسياسىنىڭ اۋرۋشاڭدىعى وسۋىنە بايلانىستى ەلوردادا «وليمپ» كدل زەرتحاناسى COVID-19-عا پتر-تالداۋلاردى اقىلى نەگىزدە ىسكە قوستى.
تەستىلەۋگە قالا تۇرعىندارى Smart Astana قوسىمشاسى ارقىلى «مەديتسينا» – «COVID-19 تەستىنە جازىلۋ» بولىمىندە جازىلا الادى. ساۋالناما اۆتوماتتى تۇردە «وليمپ» كدل زەرتحانالارىنا تۇسەدى. ودان ءارى مەديتسينالىق مەكەمە قىزمەتكەرلەرى قوڭىراۋ شالىپ, ەمشارا كابينەتىنە شاقىرادى.
حابارلانعانداي, قازاقستان پرەزيدەنتى قاسىم-جومارت توقاەۆتىڭ تاپسىرماسى بويىنشا 1 مامىردان باستاپ نۇر-سۇلتان مەن الماتىدان قىزىلوردا, پەتروپاۆل, وسكەمەن جانە سەمەي قالالارىنا اۋە رەيستەرى رۇقسات ەتىلەدى. رەيستەر سانيتارلىق تالاپتاردىڭ كۇشەيتىلگەن نورمالارىمەن, جولاۋشىلاردىڭ از سانىمەن جانە سالوندا ەرەكشە قاشىقتىقتا وتىرعىزۋمەن جۇزەگە اسىرىلاتىن بولادى.