ەلدىڭ بەرىك دىڭگەگى

جولداۋدىڭ عىلىمعا قاتىستى بولىگى, اتاپ ايتقاندا استانادان اشىلاتىن جاڭا حالىقارالىق ۋني­ۆەرسيتەت جانىنان 3 عىلىمي ورتا­لىق, سونىمەن قاتار عىلىمعا ار­نالعان قور, ينتەللەكتۋالدى مەك­تەپ­تەر اشۋ ماسەلەسى جاس عالىم­دار­دى جىگەرلەندىردى. اتال­عان زەرت­حانالاردا جاستار ءححى عاسىردىڭ جاڭا ون جىلدىعىندا تەڭدەسسىز عىلىمي-يننوۆاتسيالىق اشىلۋلار جاسايتىندىعىنا سە­نىم مول. قا­زىرگى تاڭدا مەم­لەكەتتىك ءبىلىم جۇيە­سى ەۋروپالىق ستاندارت نە­گىزىندە ءۇش ساتىلى ءبىلىم بەرۋ ۇردىسىنە جەمىستى قادام باسىپ, با­كالاۆر – ماگيستراتۋرا – Ph.D دوكتورانتۋرا ارقىلى ىزدەنىمپاز جاس عالىمدار الەمنىڭ ەڭ ۇزدىك جوعارى وقۋ ورىندارى مەن حا­لىقارالىق زەرتتەۋ ورتا­لىقتارىن­دا عىلىممەن اينا­لى­سۋعا مۇمكىن­دىك الدى. وسىنداي Ph.D دوك­تو­رانتۋراسىنىڭ ورتا­لى­عى سانالا­تىن ءال-فارابي اتىن­داعى قازاق ۇلتتىق ۋني­ۆەر­سيتەتى حالىقارالىق دارەجەدەگى ۇزدىك ۋنيۆەرسيتەتتەر قاتارىنان سانالاتىن ۇلىبريتا­نيا­داعى ميد­دلسەك ۋنيۆەرسيتەتى, داندي­دىڭ شوتلاندىق ۋنيۆەر­سي­تەتى, ۇلىبريتانياداعى نيۋكاستل ينفورماتيكا زەرتحاناسى, گەرما­نيا­داعى براۋنشۆايگ جىلۋ تەح­نيكاسى مەن جانۋ زاتتارى ينستي­تۋتى, گەيدەلبەرگ ۋنيۆەرسيتەتى, شىعىس ەۋروپا قۇقىق ينستي­تۋتى, يسپانياداعى ۆالەنسيا پولي­تەحنيكالىق ۋنيۆەرسيتەتى, فران­تسياداعى گاز جانە پلازما في­زي­كا­سى زەرتحاناسى, ءتۇر­كيانىڭ حود­جات­تەپ ۋنيۆەرسيتەتى, اقش-تىڭ گالۆەستون قالاسىندا ورنالاسقان  تەحاس ۋنيۆەرسيتەتى, پيت­تسبۋرگ ۋني­­ۆەر­سيتەتى, ۆاشينگ­تون قالا­سىن­داعى امەريكا ۋني­ۆەرسيتەتى, نيۋ-يورك قالاسىن­داعى كولۋم­بيا ۋنيۆەرسيتەت­تەرى­مەن, ت.ب. عىلىمي-يننوۆاتسيالىق لابورا­تو­ريا­لارمەن الەمدىك حا­لىقارالىق عىلىمي بايلانىستار ورناتسا, سونىڭ ءنا­تيجەسىندە حالىقارالىق دەڭگەيدە دوكتورلىق قورعاعان جاڭا زامان عالىمدارى قاتارىندا مەن دە بارمىن 2008-2009 وقۋ جىلىندا Ph.D دوك­تور­لىق باعدارلاماسىمەن تۇركيا­نىڭ ميمار سينان اتىن­داعى كور­كەمونەر جانە مادەنيەت ۋني­ۆەرسيتەتىنىڭ دوكتورانتى اتان­دىم. ءىس-ساپارعا اتتانار الدىندا عالىم ب.كومەكوۆكە جولىعىپ, جاڭالىعىممەن بولىسكەن ساتىمدە, ول كىسى ءوزىنىڭ كەڭەستىك كەزەڭدە ىستامبۇلداعى كىتاپحاناعا بارۋعا ءبىر­نەشە مارتە سۇرانعاندىعىن, الايدا ورتالىق ءوتىنىشتى قابىل ال­ماعانىن وكىنىشپەن ايتتى. بۇگىنگى عىلىمعا بەت بۇرعان جاس­تارعا ون­داي توسقاۋىل جوق. جول اشىق. مەم­لەكەت Ph.D دوكتورلىق باع­دار­لاماعا قوماقتى قاراجات ءبولىپ وتىر. شەت ەلگە شىعۋ, كى­تاپ­حاناعا بارۋ, ين­تەرنەتتى قول­دانۋ, كىتاپ ساتىپ الۋ قاراجا­تىنا دەيىن ۇكى­مەت كوتەرەدى. بۇل ەلباسىمىزدىڭ عى­لىم­عا سالىپ جاتقان زور ينۆەس­تي­تسياسى. بيىلعى جولداۋداعى عى­لىم ماسەلەلەرى مەنىڭ ەرتەڭگى كۇنگى سەنىمىمدى اسقاقتاتتى. ەلبا­سىنىڭ ءبىلىم سالاسىنداعى سالي­قالى رەفورمالارىنىڭ ارقاسىن­دا تاۋەلسىز ەلىمىز حالىقارالىق ءبىلىم ينتەگراتسياسىنا اياق باسىپ, ءنا­تيجەسىندە سان مىڭداعان دا­رىندى جاستار عىلىم مەن ءبى­لىمدە تانىم كوكجيەگىن كەڭەي­تۋدە. وتكەن ونجىلدىققا كوز تىگىپ, باعا بەرەر بولساق, ەلىمىزدىڭ دامۋى ەلباسىمىز نۇرسۇلتان ءابىش ۇلى­نىڭ ەسىمىمەن تىعىز بايلانىستى ەكەنى انىق. ءيا, ەلباسىنىڭ ما­ڭىز­دى شەشىمدەرى, ورنىقتى رە­فورمالارى, كەمەلدى جوبالارى كونە تۇركىلەردىڭ اتا جۇرتى – قازاقستاندى الەمنىڭ تورتكۇل دۇنيەسىنە تانىتىپ كەلەدى. ولاي بولسا, جاڭا جولداۋ تابىستى, ال جاڭا ونجىلدىققا اتتاعان قازاق­ستان­نىڭ قادامى مىقتى بولارى ءسوزسىز. جۇلدىز سۇلەيمەنوۆا, ءال-فارابي اتىنداعى قازۇۋ-ءدىڭ فيلوسوفيا جانە ساياساتتانۋ فاكۋلتەتىنىڭ Ph.D دوكتورانتى.