وسكەمەن قالاسىنا 293 جىل تولدى. بۇل كۇندى وسكەمەندىكتەر ەستە قالارلىقتاي اتاپ ءوتتى. «قالالىقتارعا كۇلكى سىيلا» شاراسى, فۋتبولدان «التىن كۇز» اشىق ءتۋرنيرى ۇيىمداستىرىلدى. ەتنواۋىلداعى جاڭا كەشەننىڭ, «راحات» جانە «ازامات» بالا باقشالارىنىڭ, ءۇش جۇلدىزدى «اينالايىن» قوناق ءۇيىنىڭ, قالانىڭ وركەندەۋىنە ەرەكشە ۇلەس قوسقان ا.پروتازانوۆ پەن احات كۇلەنوۆتىڭ ەسكەرتكىشتەرىنىڭ اشىلۋىنا دا حالىق كوپ جينالدى.
وسكەمەن قالاسىنا 293 جىل تولدى. بۇل كۇندى وسكەمەندىكتەر ەستە قالارلىقتاي اتاپ ءوتتى. «قالالىقتارعا كۇلكى سىيلا» شاراسى, فۋتبولدان «التىن كۇز» اشىق ءتۋرنيرى ۇيىمداستىرىلدى. ەتنواۋىلداعى جاڭا كەشەننىڭ, «راحات» جانە «ازامات» بالا باقشالارىنىڭ, ءۇش جۇلدىزدى «اينالايىن» قوناق ءۇيىنىڭ, قالانىڭ وركەندەۋىنە ەرەكشە ۇلەس قوسقان ا.پروتازانوۆ پەن احات كۇلەنوۆتىڭ ەسكەرتكىشتەرىنىڭ اشىلۋىنا دا حالىق كوپ جينالدى.
مەرەكەنىڭ ەكىنشى كۇنى رەسپۋبليكا الاڭىندا «كۇز سىيى» جارمەڭكەسى ءوتتى. قالالىقتارعا جارما اۋدانىنىڭ اۋىل شارۋاشىلىعى قىزمەتكەرلەرى 12 توننا ەت, ونداعان توننا كوكونىس, قۇرت, ىرىمشىك, باسقا دا ازىق-ت ۇلىك تاۋارلارىن اكەلىپ, ارزان باعامەن ساۋدالادى. جارما اۋدانىنىڭ حالىق اسپاپتار وركەسترىنىڭ ورىنداۋىندا كوڭىل كوتەرەتىن كۇيلەر شالقىپ, ءان قالىقتادى. وبلىس اكىمى ب.ساپارباەۆ قالالىقتاردى مەرەكەسىمەن قۇتتىقتاپ, ولاردىڭ ەڭبەگىنە ساتتىلىك تىلەدى. وسكەمەن قالاسىنىڭ اكىمى ت.قاسىمجانوۆ سول كۇنى اتشاباردا بولىپ, كوكپار, اۋدارىسپاق ويىندارىندا جەڭىمپاز اتانعاندارعا قۇرمەت كورسەتتى. 19-شى شاعىن اۋدانىندا «جۇمىسپەن قامتۋ-2020» باعدارلاماسى بويىنشا سالىنعان تۇرعىن ۇيلەردىڭ پاتەر كىلتىن ءوڭىر باسشىسى سالتاناتتى جاعدايدا تاپسىردى.
كەشكىلىك ەرتىس وزەنى كوپىرىنىڭ جانىنداعى امفيتەاتردا سالتاناتى كەلىسكەن ەرەكشە مادەني شارا باستالدى. كونتسەرتكە اتاقتى انشىلەر – بيبىگۇل تولەگەنوۆا, مايرا ءىلياسوۆا, قانات, ايتكۇل قۇدايبەرگەنوۆتەر, اليشەر كاريموۆ, داۋلەسكەر كۇيشى سەكەن تۇرىسبەك, ۆياچەسلاۆ تكاچ, عيبرات ازۋباەۆ, رەسەيدىڭ كورشى بارناۋىلىنان كەلگەن ونەر جۇلدىزدارى قاتىستى.
وڭداسىن ەلۋباي,
«ەگەمەن قازاقستان».
وسكەمەن.