تۇركيا سوتى ماۋسىم-شىلدە ايلارىندا گەزي ساياباعىن قورعاۋعا باعىتتالعان نارازىلىق اكتسيالارى كەزىندە شەرۋشىلەرگە اسىرا كۇش قولدانعان پوليتسيانىڭ 32 وفيتسەرى مەن 132 قىزمەتكەرىنە قارسى ءىستى قاراۋدى باستادى. بۇل تۋرالى ريا «نوۆوستي» حابارلادى.
جالپى, ىستامبۇلداعى گەزي ساياباعىن بۇزۋ ماسەلەسىنە قاتىستى وتكىزىلگەن نارازىلىق اكتسياسى ءبىر جارىم ايعا سوزىلعان بولاتىن. ال ەرەۋىل كەزىندە بەس ادام قازا تاۋىپ, كوبىسى جاراقات الدى. الەۋمەتتىك جەلىلەردە بۇل دەرەكتى ايعاقتايتىن بەينە باياندار دا كورىنىس تاپتى. ەندى جەرگىلىكتى سوت وسى وقيعانىڭ ۋشىعۋىنا تىكەلەي كىنالى بولعان جاۋاپتى تۇلعالارعا قاتىستى شەشىم شىعارۋعا بەكىندى.
ايدار ورىسباەۆ.