اتىراۋ قالالىق تۇرعىن ءۇي-كوممۋنالدىق شارۋاشىلىق ءبولىمىنىڭ سەكتور مەڭگەرۋشىسى رافحات جولديەۆتىڭ ءمالىم ەتۋىنشە, وسىنشا تۇرعىن باسپانالى بولۋ ءۇشىن كەزەككە تىركەلىپتى.
ولاردىڭ اراسىندا 2051 كوپبالالى وتباسى بار. سونداي-اق 12059 مەملەكەتتىك جانە بيۋدجەت قىزمەتكەرى ءوتىنىش بەرىپتى. ال, 1141 ادام جەتىم, 160 ادام اپاتتى ءۇيدىڭ تۇرعىنى رەتىندە, الەۋمەتتىك تۇرعىدان قورعالماعان ساناتتاعى 6121 وتباسى دا تىزىمگە تىركەلىپ وتىر.
–بىلتىر «نۇرلى جەر» باعدارلاماسىمەن 246, بيىلعى ءبىرىنشى توقساندا 252 پاتەر بەرىلدى. «باقىتتى وتباسى» باعدارلاماسى اياسىندا وتكەن جىلى 72 وتباسى باسپاناعا يە بولدى. بيىل بۇل باعدارلامامەن ءۇي الۋعا 118 ادام ءوتىنىش بەردى. تىزىمگە تىركەلگەن تۇرعىندار كەزەگىن ەلەكتروندى ۇكىمەت پورتالى ارقىلى باقىلاي الادى, دەدى رافحات جولديەۆ.
ونىڭ ايتۋىنشا, قازىر اتىراۋدا اپاتتى دەپ تانىلعان كوپقاباتتى 79 ءۇي بار. ونىڭ 10-ى – جاتاقحانا.