شاراينا
بىرەۋدىڭ اۋماعىنا كىرىپ نەسى بار؟
حيميالىق قارۋ-جاراعىن حالىقارالىق باقىلاۋعا الۋعا كەلىسكەننەن كەيىن سيريانىڭ توڭىرەگىندەگى داۋ-جانجال ءبىرشاما سايابىر تاپقانداي بولىپ ەدى, بىراق ول جۋىردا جاڭا قۋاتپەن بۇرق ەتتى.
تۇركيانىڭ اسكەري ۇشاعى ءوز اۋماقتارىنا كىرىپ كەتكەن-ءمىس سيريانىڭ مي-17 تىكۇشاعىن زىمىرانمەن اتىپ ءتۇسىردى. تۇرىك جاعىنىڭ مالىمەتىنە قاراعاندا, تىكۇشاق شەكاراشىلاردىڭ ەسكەرتۋلەرىن ەلەمەي, تۇركيا اۋماعىنا ەكى شاقىرىمعا دەيىن ەنىپ كەتكەن. بىراق سنارياد تيگەن سوڭ ول ءوز اۋماعىنا قۇلاعان. سيريا جاعى بۇل تىكۇشاق جولىنان اداسىپ كىرىپ كەتكەندىگىن ايتىپ جالتارۋدا.
بىرەۋدىڭ اۋماعىنا كىرىپ نەسى بار؟
حيميالىق قارۋ-جاراعىن حالىقارالىق باقىلاۋعا الۋعا كەلىسكەننەن كەيىن سيريانىڭ توڭىرەگىندەگى داۋ-جانجال ءبىرشاما سايابىر تاپقانداي بولىپ ەدى, بىراق ول جۋىردا جاڭا قۋاتپەن بۇرق ەتتى.
تۇركيانىڭ اسكەري ۇشاعى ءوز اۋماقتارىنا كىرىپ كەتكەن-ءمىس سيريانىڭ مي-17 تىكۇشاعىن زىمىرانمەن اتىپ ءتۇسىردى. تۇرىك جاعىنىڭ مالىمەتىنە قاراعاندا, تىكۇشاق شەكاراشىلاردىڭ ەسكەرتۋلەرىن ەلەمەي, تۇركيا اۋماعىنا ەكى شاقىرىمعا دەيىن ەنىپ كەتكەن. بىراق سنارياد تيگەن سوڭ ول ءوز اۋماعىنا قۇلاعان. سيريا جاعى بۇل تىكۇشاق جولىنان اداسىپ كىرىپ كەتكەندىگىن ايتىپ جالتارۋدا.
تىكۇشاق اپاتقا ۇشىرادى
رەسەيدىڭ تۆەر وبلىسىندا نيجني نوۆگورودتان شىققان سەگىز ورىندىق Augusta 119 تىكۇشاعى 14 قىركۇيەكتە جوعالىپ كەتكەن ەدى. كەشە 28 تەحنيكا قۇرالدارىمەن جابدىقتالعان 160 ادامدىق ىزدەۋ توبى تىكۇشاقتىڭ قاڭقاسىن تاپتى.
ايەل ادامنىڭ باسقارۋىنداعى تىكۇشاق تۆەر وبلىسىنىڭ ستاريتسكي اۋدانىنا قۇلاپتى. ونىڭ ىشىندەگى مايىتتەردىڭ اراسىندا «روسلەسحوز» كوميتەتى باسقارماسىنىڭ باستىعى س.مەدۆەدەۆ بار. تىكۇشاقتىڭ قۇلاۋ سەبەپتەرى قازىر انىقتالۋ ۇستىندە. اپپاراتتىڭ قاڭقالارى مەن تەمىر جاشىككە بالليستيكالىق زەرتتەۋ ءۇشىن ءتيىستى ورىندارعا جەتكىزىلگەن.
الىپ كەمە «اياعىنان» تۇرعىزىلدى
يتاليا جاعالاۋلارىندا Costa Concordiا كرۋيزدىك لاينەرى 2012 جىلدىڭ قاڭتار ايىندا اپاتقا ۇشىراعان ەدى. اپات بارىسىندا 32 ادامنىڭ قازا بولعاندىعى, 2 ادامنىڭ جوعالىپ كەتكەندىگى تۋرالى ايتىلعان. كەشە وسى كەمەنى كوتەرۋ جۇمىستارىنىڭ العاشقى كەزەڭى اياقتالعانى جاريالاندى.
ءسويتىپ, سۋ سىيىمدىلىعى 114 مىڭ توننا بولاتىن الىپ كەمە جاساندى تۇعىرعا قوندىرىلدى. بۇرىن-سوڭدى مۇنداي الىپ كەمەنى سۋ تۇبىنەن كوتەرۋ جۇمىستارى يتاليادا بولماعان ەكەن. سوندىقتان دا بۇل وقيعاعا دەگەن ەلدىڭ قىزىعۋشىلىعى شەكسىز. ءبىر كەزدەگى رەسەيدىڭ «كۋرسك» اتتى اتوم سۇڭگۋىر قايىعىن سۋدان كوتەرگەندەگى سياقتى يتاليالىقتار دا ءوز كەمەسىن كوتەرۋ بارىسىن بارلىق باق-تاردا جارىسا جاريالاۋدا.
تىزگىندى شەنەۋنىكتەرگە بەرۋگە قارسى
رەسەي پارلامەنتىندە عىلىم اكادەمياسى تۋرالى جاڭا زاڭ جوباسىن قابىلداۋ ۇلكەن شۋ تۋدىرىپ تۇر. اكادەميكتەر عىلىمي-زەرتتەۋ ينستيتۋتتارى بيۋروكرات شەنەۋنىكتەردىڭ باسقارۋىنا ءتۇسىپ كەتىپ, زەرتتەۋ جۇمىستارى دوعارىلاتىنىنا الاڭداۋشىلىق بىلدىرۋدە.
ازىرگە زاڭ جوباسى ەكىنشى وقىلىمعا قايتارىلدى. بىراق ول اكادەميكتەردىڭ الاڭداۋشىلىعىن باسا العان جوق. زاڭ جوباسى تالقىلانىپ جاتقاندا 150-گە جۋىق عالىم مەمدۋمانىڭ جانىنا كەلىپ, پيكەت جاسادى. جاۋىن سىركىرەپ تۇرعاندىقتان, كەيبىر دەپۋتاتتار ولاردى ىشكە ەنگىزۋ تۋرالى ۇسىنىس جاساعانىمەن, كوپشىلىك داۋىسپەن ول وتپەي قالدى.
ارمانى جوق ادام دا بولادى
اتاعى جەر جۇزىنە جايىلعان جاپوننىڭ تويوتا كورپوراتسياسى ءوزىنىڭ كوپ جىلعى باسشىسىنان ايىرىلىپ قالدى. ءجۇز جاستىڭ قىرقاسىنا شىققان ەيدزي توەدا كەشە جۇرەك تالماسىنان قايتىس بولدى.
ەيدزي توەدا اۆتوكونتسەرندى قۇرۋشى كيتيرو توەدانىڭ نەمەرە ءىنىسى بولاتىن. ول كومپانياعا جۇمىس ىستەۋگە 1936 جىلى كەلگەن. ال 1967 جىلدان 1982 جىلعا دەيىن 15 جىل بويى ونىڭ پرەزيدەنتى بولدى. سودان سوڭ 1982 جىلدان 1994 جىلعا دەيىن ديرەكتورلار كەڭەسىنىڭ توراعاسى بولعان. ە.توەدانىڭ باسقارۋىندا تويوتا كومپانياسى الەمنىڭ بارلىق تۇكپىرلەرىنە دەيىن قول جەتكىزىپ, ءوز ونىمدەرىن تاراتا ءبىلدى. سونىمەن بىرگە, بۇل ءونىمنىڭ ساپاسى الەم بويىنشا بىرنەشە رەت ۇزدىك دەپ تانىلعان.
تىنىش ەلدى دۇرلىكتىرگەن وقيعا
اۆستريادا وت قارۋىمەن جاراقتانعان براكونەر ەكى پوليتسيا قىزمەتكەرىن جانە جەدەل جاردەم كولىگىنىڭ جۇرگىزۋشىسىن ءولتىرىپ, ءبىر ادامدى كەپىلدىككە الدى. وقيعا ۆەنا قالاسىنان 100 شاقىرىم جەردەگى اننابەرگ ەلدى مەكەنى ءنىڭ جانىندا بولعان.
55 جاسار براكونەردى پوليتسيا كوپتەن بەرى اڭدىپ جۇرگەن ەكەن. وتكەن ءتۇنى ماشينامەن كەلە جاتقان ونى پوليتسيا تۇتقىنداۋ ءۇشىن توقتاتپاق بولعان. بىراق براكونەر پوليتسيادان قاشىپ, ونىمەن اتىسقان. اۋدارىلعان ماشيناسىن تاستاپ كەتىپ, ورمانعا كىرىپ, اتىستى جالعاستىرعان. ەكى پوليتسيا مەن جۇرگىزۋشى وققا ۇشقان. اقىرىندا ءبىر ادامدى كەپىلدىككە العان قىلمىسكەر ءوزىنىڭ فەرماسىنا تىعىلىپ, اتىستى جالعاستىرۋدا. وسى ساعاتتاردا ول ءالى بەرىلگەن جوق.
قىسقا قايىرىپ ايتقاندا:
*مولدوۆانىڭ كەدەن وداعىنا ەنۋدەن باس تارتۋىنا بايلانىستى رەسەي ءتۇرلى ەكونوميكالىق قىسىمدار كورسەتۋدە. وتكەن اپتادا ول مولدوۆالىق شاراپتاردى ەنگىزۋدەن باس تارتسا, ەندى ەڭبەك ميگرانتتارىن شەكتەۋدى قولعا الىپ وتىر.
*بانگلادەشتىڭ جوعارعى سوتى ابدۋللا كادەردى اسكەري قىلمىستارى ءۇشىن ءولىم جازاسىنا كەستى. 65 جاستاعى موللا بۇل جازاعا 1971 جىلى بانگلادەشتىڭ پاكستاننان ءبولىنۋى كەزىندە جاساعان قىلمىستارى ءۇشىن كەسىلىپ وتىر.
*يسپانيادا ماروككومەن شەكارالاس سەۋت قالاسىندا «ءال-كايدا» ۇيىمى جەتەكشىلەرىنىڭ ءبىرى احمەد ياسين ۇستالدى. ول سيرياداعى سوعىسقا جيحادشىلار جيناۋمەن اينالىسىپ ءجۇر ەكەن. وسىعان دەيىن ول سيرياعا 50 جيحادشىنى اتتاندىرىپ جىبەرىپتى.
جاپون سوتى 2011 جىلعى تسۋنامي كەزىندە اداسىپ قالعان بالالار ءۇشىن اتا-انالارىنا 1,8 ملن. دوللار كولەمىندە ايىپپۇل تولەۋدى بالاباقشانىڭ موينىنا سالىپ قويدى. سوتتىڭ شەشىمى بويىنشا, قانداي جاعداي بولسا دا بالاباقشا سابيلەردى قۇتقارۋعا ءتيىستى ەكەن.
*ۇستىمىزدەگى جىلدىڭ 6 قاراشاسىندا تاجىكستاندا كەزەكتى پرەزيدەنتتىك سايلاۋ بولادى. كەشە كانديدات رەتىندە تاجىكتىڭ اۋىل شارۋاشىلىعى اكادەمياسىنىڭ ۆيتسە-پرەزيدەنتى ب.بۇحاريەۆتىڭ كانديداتۋراسى دا ۇسىنىلدى.
ينتەرنەت ماتەريالدارى نەگىزىندە ازىرلەندى.