مۇناي ەكسپورتتاۋشى ەلدەر ۇيىمى (وپەك) وسى جىلدىڭ ورتاسىنا قاراي باررەل مۇنايدىڭ باعاسى شامامەن 40 دوللار بولادى دەپ كۇتۋدە. «بۇل تۋرالى جەكسەنبىدە ءالجيردىڭ ەنەرگەتيكا ءمينيسترى, وپەك كونفەرەنتسياسىنىڭ پرەزيدەنتى مۇحاممەد اركاب ايتتى» دەپ حابارلايدى تاسس.
«وپەك وسى جىلدىڭ ەكىنشى جارتىسىندا مۇناي باعاسىنىڭ دەڭگەيى باررەلىنە شامامەن 40 دوللار بولادى دەپ كۇتەدى», دەدى اركاب.
مينيستر بۇل ەنەرگيا شيكىزاتىنىڭ باعاسى «مامىر-ماۋسىمدا ءبىر باررەل ءۇشىن 35 دوللارعا دەيىن كوتەرىلەدى» دەپ سانايدى.
اركاب مۇنداي ءۇردىس «شيكى مۇناي ءوندىرۋدى قىسقارتۋ تۋرالى كەلىسىمدى جۇزەگە اسىرۋمەن» بايلانىستى بولاتىنىن ايتتى.
وپەك + ەلدەرى 12 ساۋىردە شۇعىل بەينەكونفەرەنتسيادا مۇناي ءوندىرۋدى ازايتۋ تۋرالى كەلىسىمگە قول جەتكىزدى. مۇناي ءوندىرۋدىڭ مامىر-ماۋسىم ايلارىندا تاۋلىگىنە 9,7 ميلليون باررەلگە, شىلدە-جەلتوقساندا تاۋلىگىنە 7,7 ميلليون باررەلگە, 2021 جىلعى قاڭتاردا - 2022 جىلعى ساۋىردە - كۇنىنە 5,8 ميلليون باررەلگە تومەندەۋىن قامتاماسىز ەتەدى.
2021 جىلدىڭ جەلتوقسانىندا مامىلە شارتتارى قايتا قارالۋى مۇمكىن.