كىتاپ وقىعىسى كەلەتىندەر ءۇشىن www.kazneb.kz پورتالىندا 24/7 رەجيمىندە قازاقستاندىق ۇلتتىق ەلەكتروندى كىتاپحانا جۇمىس ىستەيدى. بۇل تۋرالى مادەنيەت جانە سپورت ءمينيسترى اقتوتى رايىمقۇلوۆا ورتالىق كوممۋنيكاتسيالار قىزمەتىندە وتكەن بريفينگتە ايتتى.
«بۇگىندە مينيسترلىكتىڭ Instagram جەلىسىندە «وقىرمان كىتابى قانداي؟» اتتى قازاقستاندىق مادەنيەت قايراتكەرلەرى باستاعان جانە مەملەكەت باسشىسى قاسىم-جومارت توقاەۆ قولداۋ كورسەتكەن اركىم ءوزى وقىپ جاتقان كىتاپتار, گازەتتەر مەن جۋرنالدار ءتىزىمىن ۇسىناتىن چەللەنج كورەرمەندەر مەن وقىرمانداردىڭ ريزاشىلىعىن تاپتى», دەدى اقتوتى رايىمقۇلوۆا.
ونىڭ ايتۋىنشا, ۋاقىتىن ءتيىمدى وتكىزگىسى كەلەتىندەر مەن ودان دا كوپ كىتاپ وقىعىسى كەلەتىندەر ءۇشىن www.kazneb.kz پورتالىندا 24/7 رەجيمىندە قازاقستاندىق ۇلتتىق ەلەكتروندى كىتاپحانا جۇمىس ىستەيدى. ول ءاربىر قازاقستاندىق ءۇشىن جەرگىلىكتى تۇراتىن جەرىنە قاراماستان قولجەتىمدى.