ەكى بالانىڭ تاربيەسىمەن ۇيدە وتىرعان جاس انامىن. كۇيەۋىم وسى كەزگە دەيىن ءوزىن ءوزى جۇمىسپەن قامتىپ, وتباسىن اسىراپ كەلگەن ەدى. توتەنشە جاعدايعا بايلانىستى قالادا كارانتين جاريالانىپ, كۇيەۋىمنىڭ جۇمىسى توقتاپ قالدى.
ءوزىم «اتامەكەن» پالاتاسىنىڭ «بيزنەس-باستاۋ» باعدارلاماسىمەن وقىپ, ەندى كاسىبىمدى باستاعان بولاتىنمىن. ول دا ۋاقىتشا توقتادى. مەملەكەتتەن بەرىلەتىن 42 500 تەڭگە كومەك وتباسىمىزعا تاعايىندالعانىن ەستىگەندە قۋاندىق. تەلەفونىما حابارلاما كەلگەن سوڭ, ءۇش كۇننىڭ ىشىندە اقشا ءتۇستى.
بۇل قاراجات ءبىز سەكىلدى جاس وتباسىنا ۇلكەن قولداۋ بولدى. قيىن كەزەڭدە قولۇشىن بەرگەن مەملەكەتكە شەكسىز ريزاشىلىعىمىزدى بىلدىرەمىز.
گۇلجاۋحار جاڭاباي,
شىمكەنت قالاسىنىڭ تۇرعىنى