ءدال وسى كۇندەرى سنۋكەردەن انگليانىڭ شەففيلد قالاسىندا وتۋگە ءتيىس الەم چەمپيوناتى كەيىنگە شەگەرىلدى. ەندى ايتۋلى جارىستىڭ تۇساۋى 31 شىلەدەدە كەسىلەدى دەپ كۇتىلۋدە.
كوپشىلىك الدىندا ءسوز العان وسى جارىستىڭ توراعاسى بارري حيرن: «قازىر كۇللى الەم اسا ءبىر قيىن كەزەڭدى باسىنان كەشىرۋدە. كوروناۆيرۋس بارشا جۇرتتىڭ ۇرەيىن الدى. سول ىندەت سەيىلگەننەن كەيىن ءبىز الەم چەمپيوناتىن باستاپ كەتۋدى قۇپ كورىپ وتىرمىز. سپورت ارقىلى حالىقتىڭ رۋحىن كوتەرىپ, كوڭىل-كۇيلەرى قۇلازىعان ادامداردىڭ ءبىر سەرپىلتىكىمىز كەلەدى», - دەپ ءتىل قاتتى.
تاريحقا جۇگىنسەك, سوناۋ 1927 جىلدان بەرى ۇيىمداستىرىلىپ كەلەدى. ءار كەزدەرى ونىڭ فورماتى وزگەرگەنىمەن, جانكۇيەرلەر تاراپىنان قىزىعۋشىلىق ەش كەمىگەن ەمەس. بۇل كۇندەرى ايتۋلى دودانى تەلەديدار ارقىلى 500 ميلليونداي ادام تاماشالايدى ەكەن.