فۋتبولدان ۋەلس قۇراماسى مەن ءمادريدتىڭ «رەال» كلۋبىنىڭ شابۋىلشىسى گارەت بەيل كوروناۆيرۋسكە قارسى كۇرەسكە ءوز ۇلەسىن قوسۋدا.
شىلدە ايىنىڭ بەل ورتاسىندا 31 جاسقا تولعالى وتىرعان ويىنشى ءوزى مەن جۇبايى ەمما ريس-دجونستىڭ اتىنان ۋەلستىڭ ۇلتتىق دەنساۋلىق ساقتاۋ قىزمەتىنىڭ ەسەپشوتىنا 500 000 فۋنت كولەمىندە قارجى اۋداردى. ودان بولەك, ايتۋلى وتباسى مادريد قالاسىنداعى اۋرۋحانالارعا 440 000 فۋنت ءبولدى. بۇل قاراجاتتىڭ بارلىعى دا كوروناۆيرۋسقا قارسى كۇرەسكە جۇمسالادى.
چەمپيوندار ليگاسىندا ءتورت رەت جەڭىمپاز اتانىپ, 2016 جىلى ەۋروپا بىرىنشىلىگىنىڭ جارتىلاي فينالىندا ونەر كورسەتكەن گارەت بەيل مەكتەپ جاسىنداعى ماحابباتى ەمما ريس-دجونسكە ۇيلەندى. قازىرگى كەزدە ولار ءۇش بالا تاربيەلەپ وتىر.