مەملەكەتتىك كىرىستەر كوميتەتى 2020 جىلدىڭ 22 ساۋىرىنە ماجبۇرلەپ ءوندىرۋ تاسىلدەرى مەن شارالارىن توتەنشە جاعداي كەزەڭىندە ۋاقىتشا توقتاتۋ شەڭبەرىندە قانداي جۇمىستاردىڭ اتقارىلعانى تۋرالى حابارلادى.
بىرىنشىدەن, 54,9 سالىق تولەۋشىگە بارلىق سالىقتارى بويىنشا مەرزىمىندە ورىندالماعان سالىق مىندەتتەمەلەرى بويىنشا ءوسىمپۇلداردى ەسەپتەۋ 2020 جىلعى 15 تامىزعا دەيىن توقتاتىلدى.
ۇكىمەتتىڭ 2020 جىلعى 20 ناۋرىزداعى №126 قاۋلىسىنا سايكەس, 2020 جىلعى 15 تامىزعا دەيىن جەر سالىعىنان بوساتىلعان اۋىل شارۋاشىلىعى ءونىمىن وندىرۋشىلەردىڭ, م ۇلىك سالىعىنان بوساتىلعان ءىرى ساۋدا وبەكتىلەرى, ساۋدا-ويىن-ساۋىق ورتالىقتارى, كينوزالدار, تەاترلار, كورمەلەر مەن دەنە شىنىقتىرۋ-ساۋىقتىرۋ جانە سپورت عيماراتتارى بويىنشا زاڭدى تۇلعالار مەن دارا كاسىپكەرلەردىڭ بارلىق سالىقتارىنا ءوسىمپۇلدار ەسەپتەلمەيدى.
ەكىنشىدەن, 34,9 مىڭ سالىق تولەۋشىنىڭ بانك شوتتارى بويىنشا شىعىس وپەراتسيالارىن توقتاتا تۇرۋ تۋرالى 158 757 وكىمدەرى كەرى قايتارىلدى, 88,2 مىڭ سالىق تولەۋشىنىڭ م ۇلىكتى پايدالانۋعا شەكتەۋ قويۋ تۋرالى 200 083 وكىمنىڭ كۇشى ۋاقىتشا توقتاتىلدى. ۇكىمەتتىڭ 2020 جىلعى 27 ناۋرىزداعى №141 قاۋلىسىنا سايكەس, ميكرو, شاعىن نەمەسە ورتا كاسىپكەرلىك سۋبەكتىلەرىنە, تاۋەكەل دارەجەسى جوعارى سالىق تولەۋشىلەردى قوسپاعاندا, مەرزىمىندە ورىندالماعان سالىق مىندەتتەمەسىن ورىنداۋدى قامتاماسىز ەتۋ شارالارىن قولدانۋ 2020 جىلعى 1 ماۋسىمعا دەيىن توقتاتىلعان بولاتىن.
ۇشىنشىدەن, 34,9 مىڭ سالىق تولەۋشىنىڭ بانك شوتتارى بويىنشا 301 638 ينكاسسالىق وكىمدەرى كەرى قايتارىلدى, 13,0 مىڭ سالىق تولەۋشىنىڭ م ۇلىكتەرىنە جاسالعان 64 852 ءتىزىمى بويىنشا مۇلكىن وتكىزۋ ۋاقىتشا توقتاتىلدى.
قازاقستان ۇكىمەتىنىڭ 2020 جىلعى 27 ناۋرىزداعى №141 قاۋلىسىنا سايكەس, ميكرو, شاعىن نەمەسە ورتا كاسىپكەرلىك سۋبەكتىلەرىنە تاۋەكەل دارەجەسى جوعارى سالىق تولەۋشىلەردى قوسپاعاندا, سالىق جانە كەدەن بەرەشەگىن, سونداي-اق الەۋمەتتىك تولەمدەر بويىنشا بەرەشەكتى ماجبۇرلەپ ءوندىرىپ الۋ شارالارىن قولدانۋ 2020 جىلعى 1 ماۋسىمعا دەيىن توقتاتىلعان ەدى.