ەكولوگيا, گەولوگيا جانە تابيعي رەسۋرستار مينيسترلىگىنىڭ ءباسپاسوز ءبولىمى قاي ايماققا قانشا قارجىنىڭ بولىنەتىنىن ايتتى.
قازىرگى ۋاقىتتا دامۋ بانكتەرىنەن الىنعان نەسيەلەر 134,3 ملرد تەڭگەنى, رەسپۋبليكالىق بيۋدجەتتەن قارجىلاندىرۋعا 86,7 ملرد تەڭگە ءبولىندى. جيىنتىعى 221 ميلليارد تەڭگە.
مينيسترلىك نەگىزگى ينۆەستيتسيالار اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا جاسالىنعانىن ايتتى. باعدارلاماعا سايكەس, وسى ۋاقىت ىشىندە 610 مىڭ گەكتار القاپتىڭ سۋلاندىرۋ ينفراقۇرىلىمىن قالپىنا كەلتىرۋ قاجەت.
سونىمەن بىرگە, 2017 جىلدان باستاپ 2019 جىلعا دەيىن مۇنى 146 مىڭ گەكتار جەرگە, ونىڭ ىشىندە 2019 جىلى 66 مىڭ گەكتار جەرگە جاساۋعا مۇمكىندىك تۋدى. ءبىرىنشى كەزەڭدە 128,0 مىڭ گا القاپتاعى سۋارمالى جەرلەردىڭ ينفراقۇرىلىمىن قالپىنا كەلتىرۋ ءۇشىن يسلام دامۋ بانكىنىڭ (يدب), ەۋروپالىق قايتا قۇرۋ جانە دامۋ بانكىنىڭ (ەقدب) حالىقارالىق قارجى ۇيىمدارىنان تارتىلعان قاراجات تارتىلدى» دەپ اتاپ ءوتتى ەكولوگيا مينيسترلىگى. مينيسترلىك 2017 جىلدان باستاپ 2024 جىلعا دەيىن الماتى جانە تۇركىستان وبلىستارىندا سۋلاندىرۋ جانە درەناجدىڭ جالپى كولەمى 136,8 مىڭ گا بولاتىن جەرلەرىن يدب قارىز قاراجاتى ەسەبىنەن قالپىنا كەلتىرگەنىن قوستى.
35,4 مىڭ گا - الماتى وبلىسىندا, 101 مىڭ گا - تۇركىستان وبلىسىندا. جوبانىڭ جالپى قۇنى 53,2 ملرد. تەڭگەنى قۇرايدى. ونىڭ 48,3 ملرد تەڭگەسى - يدب, 4,9 ملرد تەڭگە - رەسپۋبليكالىق بيۋدجەتتەن.
ەقدب-ءنىڭ قاراجاتى ەسەبىنەن اقتوبە, جامبىل جانە وڭتۇستىك قازاقستان وبلىستارىندا جالپى سۋارۋ الاڭى 92,7 مىڭ گا بولاتىن سۋ شارۋاشىلىعى جانە يرريگاتسيالىق-درەناجدىق جۇيەلەردى قالپىنا كەلتىرۋ جۇمىستارى جۇرگىزىلۋدە. ونىڭ ىشىندە اقتوبە وبلىسىنىڭ 15,9 مىڭ گا, جامبىل وبلىسىنىڭ 51 مىڭ گا جانە تۇركىستان وبلىسىنىڭ 25,7 مىڭ گا. جوبا 2017 جىلدان 2024 جىلعا دەيىن جۇزەگە اسىرىلۋدا. جوبانىڭ جالپى قۇنى 60,9 ملرد تەڭگەنى قۇرايدى. ونىڭ 53,9 ملرد تەڭگەسى - ەقدب جانە 7 ملرد تەڭگەسى - رەسپۋبليكالىق بيۋدجەتتەن.
«ەكىنشى كەزەڭدە ازيا دامۋ بانكى (ادب) جالپى اۋدانى 171 مىڭ گا بولاتىن شىعىس قازاقستان, جامبىل, قاراعاندى جانە قىزىلوردا وبلىستارىنداعى سۋارمالى جەرلەردىڭ ينفراقۇرىلىمىن قالپىنا كەلتىرۋ ماسەلەسىن قاراستىرۋدا» دەپ تولىقتىردى مينيسترلىك.
سونىمەن قاتار حالىقارالىق قايتا قۇرۋ جانە دامۋ بانكىنىڭ (حقدب) كومەگىمەن سىرداريا, تالاس, شۋ جانە ىلە ترانسشەكارالىق وزەندەرىنىڭ باسسەيندەرىندەگى سۋدىڭ قول جەتىمدىلىگى مەن سۋارمالى جەرلەردىڭ جاعدايىن جاقسارتۋ جوسپارلانۋدا. 2015-2022 جىلدار ارالىعىندا جوباعا 106,9 ملرد تەڭگە بولىنەدى. ونىڭ ىشىندە حقدب قارىزىنىڭ ۇلەسى 32,1 ملرد تەڭگەنى (30%), رەسپۋبليكالىق بيۋدجەتتەن قوسىمشا قارجىلاندىرۋ 74,8 ملرد تەڭگەنى (70%) قۇرايدى. جوبا 105,1 مىڭ گەكتار جەردە ەسكىرگەن يرريگاتسيالىق جانە درەناجدىق جۇيەلەردى قالپىنا كەلتىرۋدى قاراستىرادى. ونىڭ ىشىندە الماتى وبلىسىندا - 12,4 مىڭ گا, جامبىل وبلىسىندا - 15,2 مىڭ گا, تۇركىستان وبلىسىندا - 62,4 مىڭ گا جانە قىزىلوردا وبلىسى - 15,1 مىڭ گا.