قازاقستان ءبىر ايدان بەرى توتەنشە جاعدايدا تۇر. ءبىر ايلىق كەم دۇنيە شاعىن جانە ورتا بيزنەستىڭ قاناتىن قالتىراتا باستادى: العاشقىلاردىڭ ءبىرى بولىپ كىشى جانە ورتا بيزنەس ءوندىرىستى توقتاتا تۇرۋعا, قىزمەتكەرلەردى جۇمىستان شىعارۋعا نەمەسە اقى تولەنبەيتىن دەمالىسقا جىبەرۋگە ءماجبۇر بولدى.
ەسكە سالايىق, 2020 جىلدىڭ قارساڭىندا شوب سالاسىندا 3,4 ميلليونعا جۋىق قازاقستاندىق جۇمىس ىستەدى. كومپانيالار مەن بانكتەر بىرىنەن سوڭ ءبىرى داعدارىستىڭ ىقپالىن السىرەتۋدىڭ مۇمكىندىكتەرىن ايتىپ, جوبالارىن ۇسىنىپ جاتىر. كەشە ەۋرازيالىق بانك وكىلدەرى جۋرناليستەرمەن ونلاين جۇيەدە كەزدەسىپ, مۇمكىندىكتەرىنىڭ نەگە جەتەتىنىن سارالاپ كوردى.
بۇگىنگى تاڭدا قيىن جاعدايدا نەسيە العان كاسىپكەرلەر بار. وسىلايشا, ەۋرازيالىق بانك ءوز كليەنتتەرىنە - شوب-كە 90 كۇنگە دەيىنگى نەسيەلەر بويىنشا كەيىنگە قالدىرۋعا مۇمكىندىك بەردى. ونىڭ ىڭعايلىلىعى, بىرىنشىدەن, ول ونلاين رەجيمىندە شىعارىلسا, ەكىنشىدەن, كليەنت وسى سومانى تولەۋ مەرزىمىن - ءتورتىنشى ايعا نەمەسە نەسيە مەرزىمىنىڭ سوڭىندا, ياعني كەز-كەلگەن ىڭعايلى ۋاقىتتا ءوزى تاڭدايدى. كەيىنگە قالدىرۋعا ءوتىنىش بەرۋ ءۇشىن ونلاين رەجيمىندە ءوتىنىش بەرۋ جەتكىلىكتى, ال كليەنت ارنايى نىساندا نەسيەنى تولەۋ كەزىندە وزىنە ىڭعايلى پارامەترلەردى تاڭداۋى قاجەت.
ەۋرازيادا ينتەرنەت-بانكينگى جوق, بىراق اعىمداعى شوتى بار كاسىپكەرلەر كەيىنگە قالدىرىلعان نەسيەگە ءوتىنىش بەرە الادى. ول ءۇشىن بانك ء موبيلدى اۋتەنتيفيكاتوردى (MobilePASS) ۇسىندى. كليەنت وسىلايشا بانكتىڭ قاشىقتىقتان قىزمەت كورسەتۋ جۇيەسىنە اقىسىز قول جەتىمدىلىككە يە بولادى. ول ءۇشىن جاسالىنعان كودتى پايدالانىپ, ەكى ساتىلى اۋتەنتيفيكاتسياعا ارنالعان قوسىمشانى سمارتفونعا ورناتىپ, كەز-كەلگەن براۋزەر ارقىلى كليەنتتىڭ بانكىنە كىرىپ, قاجەتتى وپەراتسيالاردى ورىنداۋ قاجەت. سونداي-اق, بۇگىندە كاسىپكەرلەر قاشىقتان جانە اشىق اعىمداعى شوت اشىپ, كليەنت بانكىنە قول جەتكىزە الادى.
ول ءۇشىن eubank.kz سايتىندا شوت اشۋعا ءوتىنىش قالدىرۋ كەرەك, سودان كەيىن بانك قىزمەتكەرى كليەنتپەن بايلانىسىپ, شوت اشۋعا جانە كليەنتتىڭ بانكىنە قوسىلۋعا كومەكتەسەدى.
كاسىپكەرلەر توتەنشە جاعدايلاردى ەنگىزۋ ناتيجەسىندە زارداپ شەككەن شوب قولداۋ ءۇشىن جەڭىلدەتىلگەن نەسيە باعدارلاماسىنىڭ قاتىسۋشىسىنا اينالۋعا مۇمكىندىك بار.
قازىردىڭ وزىندە كومپانيالار ەۋرازيالىق بانككە اينالىم كاپيتالىن 12 ايعا دەيىن 8%-دان اسپايتىن مولشەردە تولىقتىرۋعا نەسيە الۋعا جۇگىنە الادى.
شوب ءۇشىن نەسيە سوماسى 3 ملرد تەڭگەگە دەيىن, جەكە تۇلعالار ءۇشىن 50 ملن تەڭگەگە دەيىن نەسيە بەرەدى.
نەسيەنى ۇسىنۋ جانە قىزمەت كورسەتۋ ءۇشىن كوميسسيا الىنبايدى, ولار تەك نەسيە بەرۋ شارتتارى بۇزىلعان نەمەسە وزگەرگەن جاعدايدا عانا بەرىلەدى. نەسيە الۋ ءۇشىن كومپانيالار وزدەرىنىڭ قارجىلىق جاعدايىنىڭ ناشارلاعانىن راستاۋى كەرەك. بۇل ولشەمدەرگە مىنالار جاتادى: ساتىلاتىن تاۋارلار / قىزمەتتەر كولەمىنىڭ تومەندەۋى, كليەنتتەردەن تولەمنىڭ كەشىكتىرىلۋى, جۇمىسشىلار سانىنىڭ قىسقارۋىن قۇجاتتار بويىنشا دالەلدەۋ كەرەك.