بۇل قارىز الۋشىنىڭ مارتەبەسىن جەلىدە تەكسەرۋگە مۇمكىندىك بەرەدى. ارنايى ساناتتاعى 1,5 ميلليونعا جۋىق قارىز الۋشىلار نەسيە دەمالىستارىنا قاتىسا الاتىنىن وسىعان دەيىن جازعانبىز.
2020 جىلعى 16 ناۋرىزداعى جاعداي بويىنشا بانكتەردە, مقۇ-دا, لومباردتاردا, ەلەكتروندىق ميكروكرەديتتىك سەرىكتەستىكتەردە جانە باسقا قارجىلىق ۇيىمداردا 1,5 ميلليونعا جۋىق قارىز الۋشى بار. بۇل مالىمەتتەردى ءبىرىنشى نەسيەلىك بيۋرومەن وتكەن ونلاين جيىن بارىسىندا بىلدىك.
بنب قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ №167 بۇيرىعىنا سايكەس نەسيەلىك بيۋرولار ارنايى مينيسترلىكتەر توبىمەن بىرگە كەيىنگە قالدىرىلعان نەسيە الۋعا قۇقىعى بار 15 ەرەكشە ساناتتاعى (بۇيرىقتا كورسەتىلگەن) قارىز الۋشىلاردىڭ تىزىمدەرىمەن تانىس ەكەنىن ايتتى.
«بنب بايلانىس جانە ءتيىستى دەرەكتەردى جەتكىزۋدىڭ تۇرلەرىنىڭ جۇمىسىن جەتىلدىردى. قارىز الۋشىنىڭ ارنايى ساناتىنىڭ مارتەبەسىن تەكسەرۋ بويىنشا اقىسىز قىزمەت اۆتوماتتى تۇردە (API) دە, قول رەجيمىندە دە (PCB ۆەب-ينتەرفەيسى) قول جەتىمدى ونلاين رەجيمىندە جۇزەگە اسىرىلادى. سونىمەن بىرگە ۇلتتىق بانكتە ەسەپتىك تىركەۋدى الا الماعان جانە نەسيەلىك بيۋرومەن جۇمىس جاساماعان كومپانيالار شەتتە قالمادى. ولاردىڭ كوپشىلىگى لومباردتار. بنب نەسيە بەرۋشىلەردىڭ وسى سەگمەنتى ءۇشىن ارنايى https://susn.1cb.kz پورتالى جاسالدى, ونى تىركەۋ ارقىلى نەسيە بيۋروسىمەن جۇمىس جاسامايتىن ۇيىمدار ءوز قارىز الۋشىلاردىڭ جاعدايىن عالامتور ارقىلى تەكسەرە الادى», دەلىنگەن حابارلامادا.
بۇعان دەيىن قازاقستاندا 1,3 ميلليوننان استام قارىز الۋشى نەسيەسىن تولەۋدى كەيىنگە قالدىرۋ تۋرالى ءوتىنىش جازعانىن, جەكە جانە شوب سۋبەكتىلەرىنەن 1,5 ميلليوننان استام ءوتىنىش كەلىپ تۇسكەنىن جازعان بولاتىنبىز.
«پورتالداعى اقپارات تەگىن جانە توتەنشە جاعداي كەزىندە قول جەتىمدى بولادى. دەرەكتەر ءتيىستى مينيسترلىكتەرمەن مەرزىمدى تۇردە جاڭارتىلىپ وتىرادى. بارلىق قازاقستاندىقتاردىڭ جەكە دەرەكتەرى قورعالعان», - دەپ اتاپ ءوتتى بنب.