G20 ەلدەرى كوروناۆيرۋستىق پاندەميامەن كۇرەسۋ جانە دامىپ كەلە جاتقان نارىقتارداعى قارىز داعدارىسىنىڭ الدىن الۋ جونىندەگى شارالار كەشەنىنىڭ اياسىندا تابىسى تومەن ەلدەر ءۇشىن ەكىجاقتى نەسيەلەر بويىنشا تولەمدەرگە موراتوري ەنگىزۋدى جوسپارلاپ وتىر. بۇل تۋرالى «Financial Times» باسىلىمى حابارلادى.
G20-دا 2008 جىلعى قارجى داعدارىسىنان باستاپ ەكونوميكالىق جاعدايعا جاۋاپ بەرۋگە جەتكىلىكتى رەسۋرستارى جوق كوپتەگەن كەدەي ەلدەردىڭ قارىزدارىنىڭ ءوسىپ كەلە جاتقانىنا الاڭداۋشىلىق بىلدىرە باستادى.
وتكەن ايدا حۆق مەن دۇنيەجۇزىلىك دامۋ حالىقارالىق اسسوتسياتسياسىنىڭ دۇنيەجۇزىلىك بۇكىلدىك توبىنىڭ (حدس) اياسىندا كومەك الۋعا قۇقىعى بار الەمنىڭ ەڭ كەدەي 76 ەلىنىڭ قارىزدىق جۇكتەمەسىن جەڭىلدەتۋگە شاقىردى.
«G20 اياسىندا قاي ەلدەرگە قارىزدى تولەۋگە موراتوري ەنگىزۋ كەرەكتىگى تۋرالى كەلىسسوزدەر جالعاسۋدا. ەكىجاقتى كەلىسىمدەر ارقىلى دامۋ قورلارىن الاتىن ەلدەر بيىل سىرتقى نەسيە بەرۋشىلەرگە 40 ميلليارد دوللار تولەيدى. ونىڭ 18 ميلليارد دوللارى باسقا مەملەكەتتەرمەن جاسالعان ەكىجاقتى كەلىسىمدەر بويىنشا» دەپ جازادى «Financial Times» باسىلىمى.
سونىمەن قاتار, حالىقارالىق قارجى ينستيتۋتىنىڭ (IIF) باعالاۋى بويىنشا الەمدەگى ەڭ كەدەي ەلدەردە ىشكى قارىزدىڭ جالپى سوماسى 130 ملرد اقش دوللارىنان اسىپ كەتتى.