«ەۋروپا الەمنىڭ باسقا ايماقتارىنا قاراعاندا ەداۋىر اۋىر رەتسەسسياعا ۇشىراۋى مۇمكىن. ەو ەلدەرىنىڭ ەكونوميكاسى تەك كەلەسى جىلى عانا قالپىنا كەلەدى» دەيدى ەۋروپالىق ورتالىق بانكتىڭ (ەوب) ۆيتسە-پرەزيدەنتى لۋيس دە گيندوس.
ءبىرىنشى توقساندا فرانتسيا ەكونوميكاسى 6% -عا قىسقاردى, ال گەرمانيانىڭ ءىجو وتكەن جىلدىڭ وسى كەزەڭىمەن سالىستىرعاندا 10% تومەندەيدى. بۇل مالىمەتتەردى بۇگىن Bloomberg جاريالادى.
«قالاي بولعاندا دا, 2021 جىلعى ديناميكا 2020 جىلدارداعى اۋىرتپالىقتىڭ ورنىن تولتىرا المايدى» دەدى لۋيس دە گيندوس.
ەوب وتكەن اپتادان باستاپ ەكونوميكانى بۇرىن-سوڭدى بولماعان كولەمدە ىنتالاندىرۋ شارالارىن قولعا الدى.
ەۋروپالىق وداقتىڭ قارجى مينيسترلەرى وتكەن اپتادا كوروناۆيرۋستىڭ ەكونوميكالىق سالدارلارىن جويۋعا ارنالعان 540 ميلليارد ەۋرو پاكەتىن كەلىسىپ, بۇرىن-سوڭدى بولماعان پروپورتسيالاردىڭ قۇلدىراۋىنىڭ الدىن-الۋ جوسپارىن ماقۇلدادى.
گيندوستىڭ ايتۋىنشا, كوروناۆيرۋستىڭ زارداپتارىن جويۋعا جۇمسالاتىن ۇكىمەتتىڭ قوسىمشا شىعىنى 1,5 تريلليون ەۋروعا جەتۋى مۇمكىن. بۇل قارجى كەزەڭ-كەزەڭىمەن جۇمسالادى.