Kaspi.kz باسشىسى ميحايل لومتادزە جاڭا جۋرناليستەرمەن ۆەبينار كەزدەسۋدە سوڭعى ءۇش كۇندە 351 مىڭ قازاقستاندىق Kaspi Gold ارقىلى 42 500 تەڭگە جاردەماقى الىپ ۇلگەرگەنىن ايتتى.
«Kaspi Gold كەزەكتى رەت Kaspi.kz ۇسىنعان ەڭ سۇيىكتى جانە تانىمال كارتا مارتەبەسىن تاعى دا راستادى. تەك سوڭعى 3 كۇندە 200 000 جۋىق قازاقستاندىق ءبىزدىڭ قوسىمشامىز ارقىلى ونلاين Kaspi Gold شوتىن اشتى» دەدى.
جۇما كۇنى ميحايل لومتادزە قازاقستاندىقتار بولىمشەگە كەلمەستەن, ۇيدە وتىرىپ Kaspi.kz قوسىمشاسىندا Kaspi Gold شوتىن اشۋعا مۇمىندىك بەرەتىن جاڭا, ەرەكشە ونلاين سەرۆيستىڭ ىسكە قوسىلعانىن حابارلادى. شوت ءنومىرىن 42 500 تەڭگە جاردەماقىنى الۋ ءۇشىن پايدالانا الادى. قازاقستاندىقتار Kaspi Gold شوتىن اشقاننان كەيىن Kaspi بانكوماتتان اقشا شەشىپ, كەز-كەلگەن Kaspi Gold-قا اقشا اۋدارىپ, 5000-نان استام قىزمەت اقىسىن كوميسسياسىز تولەپ, Kaspi.kz-تەگى ماگازيندە زات ساتىپ الادى جانە بونۋس الادى. كارانتين مەن توتەنشە جاعداي اياقتالعان سوڭ KaspiGold پلاستيكالىق كارتاسىن Kaspi.kz-ءتىڭ كەز-كەلگەن بولىمشەسىندە 1-اق مينۋتتا الىپ, قالاداعى دۇكەندەردە كارتا ارقىلى زات ساتىپ الۋعا بولادى.