«اقپان ايىنىڭ سوڭىندا قازاقستاننىڭ حالىقارالىق رەزەرۆى 29,9 ملرد دوللاردى قۇرادى. بۇل قاڭتار ايىمەن سالىستىرعاندا 1,9%-عا, وتكەن جىلدىڭ اقپانىمەن سالىستىرعاندا 2,6%-عا جوعارى» دەپ حابارلادى Finprom.kz.
رەزەرۆتىڭ ۆاليۋتالىق بولىگى ازايىپ كەلە جاتىر. ونىڭ كولەمى اقپاندا 9,6 ملرد دوللار بولدى. ايتا كەتسەك, 2015 جىلدىڭ اقپان ايىندا 21,5 ملرد دوللار بولعان. ودان بەرى تومەندەپ,11,9 ملرد-قا ازايعان. ۆاليۋتالىق بولىگى ازايعانىمەن, حالىقارالىق رەزەرۆتىڭ التىن قورى ۇلعايىپ كەلەدى. سوڭعى ءبىر جىلدا 33,7%-عا نەمەسە 5,1 ملرد دوللارعا ۇلعايىپ, 20,3 ملرد دوللارعا جەتتى. ال سوڭعى بەس جىلدا 26,1%-دان 67,9%-عا ارتتى. بۇعان سەبەپ - الەمدىك نارىقتا التىن باعاسىنىڭ ءوسۋى.
31 ناۋرىزداعى جاعداي بويىنشا التىن قۇنى ۋنتسياسىنا 1618,3 دوللارعا جەتتى. جىل باسىنان بەرگى ءوسىم – 5,4%.
ايتا كەتەيىك, دامىعان ەلدەردىڭ كوپشىلىگىنىڭ حالىقارالىق رەزەرۆىندە التىن قورى كوبىرەك. مىسالى, ەۋرو وداق ەلدەرىندە التىن ۇلەسى – 58,6%.